ହ୍ୟାକ ହେଲା ସୁପ୍ରିମକୋର୍ଟର ୟୁଟ୍ୟୁବ ଚ୍ୟାନେଲ…
1 min readହ୍ୟାକ ହେଲା ସୁପ୍ରିମକୋର୍ଟର ଅଫିସିଆଲ୍ ୟୁଟ୍ୟୁବ୍ ଚ୍ୟାନେଲ। ସେପ୍ଟେମ୍ବର 20 ରେ ୟୁଟ୍ୟୁବ୍ ଚ୍ୟାନେଲ କୁ ହ୍ୟାକ୍ କରାଯାଇଛି । କୋର୍ଟ ପ୍ରକ୍ରିୟା ପରିବର୍ତ୍ତେ କ୍ରିପ୍ଟୋକରେନ୍ସି ସହ ଜଡିତ ଅନଧିକୃତ ବିଷୟବସ୍ତୁ ସୁପ୍ରିମକୋର୍ଟ ୟୁଟ୍ୟୁବରେ ଦେଖାଯାଇଥିଲା । ନ୍ୟାୟପାଳିକା ପାଇଁ ଗୁରୁତ୍ୱପୂର୍ଣ୍ଣ ସୋସିଆଲ୍ ମିଡିଆ ପ୍ଲାଟଫର୍ମର ବ୍ୟବହାର ସାଧାରଣତଃ ସମ୍ବିଧାନ ବେଞ୍ଚ ଏବଂ ଜନସାଧାରଣଙ୍କ ସ୍ୱାର୍ଥର ଗୁରୁତ୍ୱପୂର୍ଣ୍ଣ ମାମଲାଗୁଡ଼ିକର ଲାଇଭ୍ ଷ୍ଟ୍ରିମିଂ କରାଯାଇଥାଏ ।
ହେଲେ ବର୍ତ୍ତମାନ ୟୁଏସ ଆଧାରିତ ରିପଲ୍ ଲ୍ୟାବ ଦ୍ୱାରା ବିକଶିତ ହୋଇଥିବା କ୍ରିପ୍ଟୋକରେନ୍ସି XRP କୁ ପ୍ରୋତ୍ସାହିତ କରୁଥିବା ଭିଡିଓ ହ୍ୟାକର ମାନେ ପୋଷ୍ଟ କରିଥିଲେ । ଏହି ଚ୍ୟାନେଲ କୋଲକାତାର ଆର.ଜି କର ହସ୍ପିଟାଲରେ ଜଣେ ପ୍ରଶିକ୍ଷକ ଡାକ୍ତରଙ୍କ ଦୁଷ୍କର୍ମ ଏବଂ ହତ୍ୟା ସହ ଜଡିତ ଏକ ସମ୍ବେଦନଶୀଳ ମାମଲାକୁ ଟେଲି ପ୍ରସାରଣ କରିଥିଲା। ଶୁଣାଣିର ରେକର୍ଡିଂ ପାଇଁ ଖୋଜୁଥିବା ଦର୍ଶକମାନେ ଜାଣିବାକୁ ପାଇଲେ ଯେ ପୂର୍ବର ସମସ୍ତ ଭିଡିଓ ବ୍ୟକ୍ତିଗତ ହୋଇସାରିଛି ଏବଂ ତା ବଦଳରେ ବ୍ରେଡ୍ ଗାରଲିଙ୍ଗହାଉସ: ରିପଲ SEC ର 2 ବିଲିୟନ ଡଲାର ଜରିମାନା ଉପରେ ଜବାବ ଦେଇଛି! ‘XRP ମୂଲ୍ୟ ପୂର୍ବାନୁମାନ’ ନାମକ ଏକ ଲାଇଭ୍ ଭିଡିଓ ଖେଳାଯାଇଛି ।