ରାଜଧାନୀ ଭସାଣି ଶୋଭାଯାତ୍ରା ସମୟରେ ବୁଲିଲା ଖଣ୍ଡା , ୨ ଆହତ ..
1 min read
ଭୁବନେଶ୍ୱର ; ରାଜଧାନୀରେ ଚାଞ୍ଚଲ୍ୟା । ମା ଦୁର୍ଗାଙ୍କ ଭସାଣି ଶୋଭାଯାତ୍ରାରେ ବୁଲିଲା ଖଣ୍ଡା । ଆକ୍ରମଣରେ ୨ ଜଣ ଗୁରୁତର ଆହତ ହୋଇଥିବା ଜଣାପଡିଛି । ଭୁବନେଶ୍ୱର ରସୁଲଗଡ ପୂଜା ମଣ୍ଡପ ପକ୍ଷରୁ ଭସାଣି ଶୋଭାଯାତ୍ରା ସମୟରେ ଘଟିଛି ଏମିତି ଏକ ଅଭାବନୀୟ ଘଟଣା। ଭସାଣି ଆରମ୍ଭ ହେବ ପରେ ଉର୍ମି ହୋଟେଲ୍ ସମ୍ମାନରେ ବୁଲିଲା ଲମ୍ବା ଖଣ୍ଡା । ପୂର୍ବ ଶତ୍ରୁତାକୁ କେନ୍ଦ୍ର କରି ପୋଲିସ ଉପସ୍ଥିତିରେ ଏଭଳି ଘଟଣା ଘଟିଥିବା ଜଣାପଡିଛି । ଏନେଇ ଆକ୍ରମଣର ଶିକାର ହୋଇଥିବା ଲୋକେ ମଞ୍ଚେଶ୍ୱର୍ ଥାନାରେ ଅଭିଯୋଗ କରିଥିଲେ । କିନ୍ତୁ ଥାନାରେ ଅଭିଯୋଗ ରଖି ନଥିବାରୁ ଉତେଜନା ଦେଖାଦେଇଥିଲା
ଗତକାଲି ବିଳମ୍ବିତ ରାତିରେ ଥାନାରେ ଚାବି ପକେଇବା ସହ ଧାରଣାରେ ବସିଥିଲେ ଆକ୍ରମଣର ଶିକାର ହୋଇଥିବା ଲୋକେ। ମିଳିଥିବା ସୂଚନା ଅନୁଯାୟୀ ଅଭିଯୁକ୍ତ ସିପୁ ସାମନ୍ତରାୟ ଓ ଲିପୁ ସାମନ୍ତରାୟ ଖଣ୍ଡା ରେ ଆକ୍ରମଣ କରୁଥିବା ବେଳେ ମୁନ୍ନା ରାଉତରାୟ ହାତରେ ଚୋଟ ବାଜିଥିଲା । ଏହାସହ ସେଠାରେ ଉପସ୍ଥିତ ଥିବା ପ୍ରଭାତ ରାଉତରାୟଙ୍କ ମୁହଁରେ ମଧ୍ୟ ଆଘାତ ଲାଗିଛି । ତେବେ ଏହି ଘଟଣାଟି ପୂର୍ବଶତ୍ରୁତାକୁ କେନ୍ଦ୍ର କରି ଘଟିଥିବା ଜଣାପଡିଛି । ସିପୁ , ଲିପୁ ଙ୍କ ପୂର୍ବରୁ ଜିମରେ କୌଣଷି କଥା କୁ ନେଇ ଶତ୍ରୁତା ଥିଲା । ଯାହାକୁ କେନ୍ଦ୍ର କରି ଗତକାଲି ଭସାଣି ସମୟରେ ଖଣ୍ଡାରେ ଆକ୍ରମଣ କରାଯାଇଥିଲା ।
