ବାଇକ ଉପରେ ଓଲଡି ପଡିଲା ଟ୍ରାକ୍ଟର, ଚାଲିଗଲେ ବାଇକ ଚାଳକ…
1 min read
ରାୟଗଡା: ଟ୍ରାକ୍ଟର ଓ ବାଇକ ମୁହାଁ ମୁହିଁ ଧକ୍କା । ଓଲଟି ପଡିଲା ଟ୍ରାକ୍ଟର ଆଉ ଚାଲିଗଲା ବାଇକ ଆରୋହିଙ୍କର ଜୀବନ । ରାୟଗଡା ଜିଲ୍ଲା କୋଲନରା ବ୍ଲକ ପାଇକପଡା ଠାରେ ଘଟିଛି ଏମରି ମର୍ମନ୍ତୁତ ସଡକ ଦୁର୍ଘଟଣା । ପାଇକପଡା ନିକଟସ୍ଥ ଶିବ ମନ୍ଦିର ନକଟରେ ଆଜି ଏକ ଟ୍ରାକ୍ଟର ବାଇକ ସହ ପିଟି ହୋଇଥିଲା । ଫଳରେ ଟ୍ରାକ୍ଟରଟି ଓଲଟି ପଡି ଘଟଣାସ୍ଥଳରେ ବାଇକ ଚାଳକର ଜୀବନ ଚାଲିଯାଇଥିବା ଦେଖିବାକୁ ମିଳିଛି । ତେବେ ମୃତ ବାଇକ ଚାଳକ ହେଉଛନ୍ତି କଲ୍ୟାଣ ସିଂହପୁର ବ୍ଲକ ନାରାୟଣ ପୁର ପଞ୍ଚାୟତ କେନ୍ଦୁଗୁଡା ଗ୍ରାମର ଧନିଆ କୌଶଲ୍ୟା ।
ସୂଚନା ମୁତାବକ ଧନିଆ କୌଶଲ୍ୟା ନିଜର ବାଇକ ଯୋଗେ ଥେରୁବାଲି ପଟରୁ ଘରକୁ ଫେରୁଥିବା ସମୟରେ ରାସ୍ତାରେ ଏକ ଟ୍ରାକ୍ଟର ବାଇକକୁ ଧକ୍କା ମାରି ବିଲ ତଳକୁ ଓଲଟି ପଡିଥିଲା । ଫଳରେ ବାଇକ ଚାଳକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ ସେପଟେ ଟ୍ରାକ୍ଟର ଚାଳକ ସେଠାରୁ ଫେରାର ମାରିଥିଲା । ତେବେ ଟ୍ରାକ୍ଟରଟି ପାଖ ଗାଁ ଖେଳୁଗୁଡାର ବୋଲି ସୂଚନା ମିଳିଛି । ସେପଟେ ମୃତକଙ୍କୁ କ୍ଷତି ପୂରଣ ଦାବିରେ ଶବକୁ ରାସ୍ତା ମଝିରେ ରଖି ଲୋକେ ରାସ୍ତା ଅବରୋଧ କରିଥିବା ବେଳେ ଘଟଣା ସ୍ଥଳରେ ସ୍ଥାନୀୟ ପୋଲିସ ପହଁଚି ଲୋକଙ୍କୁ ବୁଝାସୁଝା କରୁଥିବା ଦେଖିବାକୁ ମିଳିଛି । ଅନ୍ୟପଟେ ରାସ୍ତା ଅବରୋଦ୍ଧ ହୋଇଥିବାରୁ ଯାନ ବାହନ ଗାଡ଼ି ମଟର ରାସ୍ତାରେ ଅଟକି ରହିଛି । ଯାହାଫଳରେ ଯାତ୍ରୀ ମାନେ ନାହିଁ ନ ଥିବା ଅସୁବିଧାରେ ପଡିଥିବା ଜଣାପଡ଼ିଛି ।
