ପଞ୍ଚାୟତ -୩ ଲେଖିବା ପାଇଁ ୫ କୋଟି ନେଇଥିଲେ ଲେଖକ , ଜାଣନ୍ତୁ ପୁରା କାହାଣୀ ପଛର ସତ ..
ପଞ୍ଚାୟତ ୧,୨ ପରେ ଏବେ ପୁରା ଓଟିଟିକୁ କବ୍ଜା କରିଛି ପଞ୍ଚାୟତ ୩ । ଲୋକଙ୍କ ମନକୁ ଛୁଇଁଛି ପଞ୍ଚାୟତର ସାଧା ସିଧା କାହାଣୀ । କାହାଣୀର ସରଳତା ଆଉ ଜିତେନ୍ଦ୍ର କୁମାର, ରଘୁବୀର ଯାଦବ, ନୀନା ଗୁପ୍ତା, ଫୈସଲ ମଲିକ ଏବଂ ଅନ୍ୟ କଳାକାରମାନଙ୍କ ପରିଶ୍ରମ ସିରିଜକୁ ଖୁବ୍ ଉପରକୁ ନେଇଯାଇଛି । ଏଥିପାଇଁ ଦର୍ଶକ ଏହାର ପରବର୍ତ୍ତୀ ସିଜିନ୍କୁ ଖୁବ୍ ଉତ୍ସାହର ସହ ଅପେକ୍ଷା କରିଛନ୍ତି । ଏହି ସମୟରେ ସୋ’ର ଲେଖକ ଚନ୍ଦନ କୁମାରଙ୍କ ବିଷୟରେ କିଛି ରିପୋର୍ଟ ମଧ୍ୟ ଚାଲିଛି।
କୁହାଯାଉଛି ଯେ ଏହି ସିରିଜ୍ର ଲେଖକ ଚନ୍ଦନ କୁମାର ପଞ୍ଚାୟତ ୩ ଲେଖିବା ପାଇଁ ୫ କୋଟି ଟଙ୍କା ନେଇଥିଲେ । ଯାହାକୁ ଶୁଣିବା ପରେ ଅନ୍ୟ ଲେଖକମାନଙ୍କ ହୋସ୍ ଉଡିଯାଇଥିଲା । କିନ୍ତୁ ଏହି କଥାଟିକୁ ନିକଟରେ ପ୍ରତ୍ୟାଖନ କରିଛନ୍ତି ଚନ୍ଦନ । ସେ କହିଛନ୍ତି ଯେ ଏହି ଖବର ଆଦୈା ସତ ନୁହେଁ । ମୁଁ ଏତେ ଟଙ୍କା ଚାର୍ଜ କରିନାହିଁ । କିନ୍ତୁ ଚନ୍ଦନ ନିଜ ଫିସ୍ର କୌଣସି ଖୁଲାସା କରିନାହନ୍ତି ଏଯାଏଁ ।
ଏହା ବ୍ୟତୀତ ଚନ୍ଦନ କୁମାରଙ୍କ ବିଷୟରେ ଆଉ ଏକ ଗୁଜବ ସାମ୍ନାକୁ ଆସିଛି। କୁହାଯାଉଥିଲା ଯେ ଲେଖକ ଆମୀର ଖାନଙ୍କଠାରୁ ଏକ କଲ ପାଇଛନ୍ତି। ଏଥିସହ ସେ ପ୍ରଡକ୍ସନ୍ ହାଉସ୍ ୟଶ ରାଜ ଷ୍ଟୁଡିଓରୁ ଅଫର ଗ୍ରହଣ କରିବା ଆରମ୍ଭ କରିଛନ୍ତି । ଏହା ଉପରେ ସେ କହିଛନ୍ତି, ‘ଆମୀର ଖାନଙ୍କଠାରୁ କୌଣସି ପ୍ରତ୍ୟକ୍ଷ କଲ୍ ଆସିନାହିଁ । କିନ୍ତୁ ତାଙ୍କ ନିକଟକୁ ପ୍ରଡକ୍ସନ ହାଉସରୁ କଲ୍ ଆସିଛି । ସେ ଆଉ ମଧ୍ୟ କହିଛନ୍ତି ସେ ଆମର କଥାବାର୍ତ୍ତା ଚାଲିଛି । ମୁଁ ମଧ୍ୟ ସେମାନଙ୍କ ସହ ସହଯୋଗ କରିବାକୁ ଚାହୁଁଛି, ତେଣୁ ଯେତେବେଳେ ବି ମୋତେ କଲ ଆସେ, ମୁଁ ଏକ କାହାଣୀ ଗପିଦିଏ ।
ଲେଖକ ମାନଙ୍କ ଦରମା କେତେ ?
ଲେଖକମାନଙ୍କୁ ସେମାନଙ୍କ କାର୍ଯ୍ୟ ପାଇଁ ଦରମା ମିଳିନଥିବା ନେଇ ଫିଲ୍ମ ଇଣ୍ଡଷ୍ଟ୍ରିରେ ମଧ୍ୟ ଏକ ବିବାଦ ଲାଗି ରହିଛି। ଚନ୍ଦନ କୁମାର ମଧ୍ୟ ଏ ବିଷୟରେ କହିଥିଲେ। ସେ କହିଥିଲେ, ‘ଯଦି ତୁମେ ଭଲ କାମ କର, ତୁମେ ଦରମା ପାଇବ। ନଚେତ୍ ମୁମ୍ବାଇ ପରି ସହରରେ ଜଣେ କିପରି ବଞ୍ଚିପାରିବ । ତୁମର ଆୟ ତୁମର ପଦ ଏବଂ ପଦବୀ ଉପରେ ନିର୍ଭର କରେ । ସ୍କ୍ରିନ୍ ରାଇଟର୍ସ ଆସୋସିଏସନ୍ ଇଭେଣ୍ଟରେ ଆପଣ ଅନେକ ଲେଖକଙ୍କୁ ଭେଟିବାର ସୁଯୋଗ ପାଇବେ । ଲେଖକମାନଙ୍କୁ ଦିଆଯାଇଥିବା ଦରମା ବିଷୟରେ ଚନ୍ଦନ କୁମାର କହିଛନ୍ତି, ‘ଯଦି ଆପଣ ନିଜକୁ ଏକ ଷ୍ଟୁଡିଓ ସହିତ ଜଡିତ କରନ୍ତି, ତେବେ ଆପଣଙ୍କୁ ଏକ ଟଙ୍କା ଦିଆଯାଏ । ସେହିପରି ଭାବରେ, ଯଦି ଆପଣ ଜଣେ ସ୍ୱାଧୀନ ଲେଖକ ଭାବରେ ଆରମ୍ଭ କରନ୍ତି ଏବଂ ନିର୍ମାତାମାନଙ୍କୁ କାହାଣୀ ଦିଅନ୍ତି, ତେବେ ଆପଣଙ୍କର ଦରମା କମିଯାଏ । ତୁମେ କେତେ ଟଙ୍କା ପାଇବ ତାହା ମଧ୍ୟ ତୁମର କାହାଣୀ କେତେ ଶକ୍ତିଶାଳୀ ଏବଂ ତୁମେ ସେମାନଙ୍କୁ କେତେ ବିଶ୍ୱାସ କରିପାରିବ ତାହା ଉପରେ ନିର୍ଭର କରେ । ଏହା ୧୦ ଲକ୍ଷରୁ ଆରମ୍ଭ ହୋଇପାରେ ଏବଂ ବିଭିନ୍ନ କାରଣ ଉପରେ ନିର୍ଭର କରି ଯେକୌଣସି ରାଶି ପର୍ଯ୍ୟନ୍ତ ଯାଇପାରେ ।
