ବଲାଙ୍ଗିରରେ ମାତିଛନ୍ତି ଚୋର , ଦ୍ୱିନ ଦିପହରରେ ଚକ୍ମା ଦେଇ କରୁଛନ୍ତି ଲୁଟ୍ ।
1 min read
ବଲାଙ୍ଗିର ; ବଲାଙ୍ଗିର ସୂର୍ଯ୍ୟନଗରେ ଦିନକୁ ଦିନ ଚୋରୀ ବଢିବାରେ ଲାଗିଛି । ଚୋରମାନେ ପଡାବାସୀଙ୍କୁ ଦିନବେଳା ଖୋଲା ଚ୍ୟାଲେଞ୍ଜ ଦେଉଛନ୍ତି ଓ ରାତିରେ ଚୋରୀ କରୁଛନ୍ତି । ଗତ ଦୁଇଦିନ ତଳେ ଏଭଳି ଏକ ଘଟଣା ଘଟିଥିବାବେଳେ ଗତକାଲି ବିଳମ୍ବିତ ରାତି ପ୍ରାୟ ୩ ଟା ସମୟରେ ପୁଣି ସୂର୍ଯ୍ୟନଗର ର ଦ୍ରୋଣ ସାହୁଙ୍କ ନୂତନ ଘରୁ ଦେଢ ଲକ୍ଷ ଟଙ୍କାର ସାମଗ୍ରୀ ଚୋରୀ ହୋଇଛି । ମିଳିଥିବା ସୂଚନା ଅନୁସାରେ ଘୁଙ୍ଗି ଗ୍ରାମର ଦ୍ରୋଣ ସାହୁ ସୂର୍ଯ୍ୟନଗରରେ ନୂଆ ଘର ନିର୍ମାଣ କରୁଛନ୍ତି ।
ଘର ନିର୍ମାଣ କାମ ଚାଲିଛି । ଘରେ ପାଣି ପାଇପ, ପାଣି ମୋଟର, ବିଦ୍ୟୁତ ତାର ଓ ବିଦ୍ୟୁତ ସାମଗ୍ରୀ ଏଭଳି ଅନେକ ଜିନିଷ ରହିଥିଲା ଯାହାର ମୂଲ୍ୟ ପାଖାପାଖି ଦେଢ ଲକ୍ଷ ଟଙ୍କା ହେବ ବୋଲି ଦ୍ରୋଣ ସାହୁ କହିଥିଲେ । ଚୋରମାନେ ଦିନବେଳା ଘରକୁ ଆସୁଛନ୍ତି । ଆଜି ତୁମ ଘରୁହିଁ ଚୋରୀ କରିବୁ ବୋଲି ଧମକ ଦେଉଛନ୍ତି । ଏବଂ ସତରେ ସେମାନେ ସେହି ଘରୁ ଚୋରୀ କରୁଛନ୍ତି ।
ଏ ସର୍ମ୍ପକରେ ବଲାଙ୍ଗିର ଟାଉନ ଥାନା ଆଇଆଇସିଙ୍କୁ ଅବଗତ କରାଇଥିଲେ ହେଁ ସେ କୌଣସି ପଦକ୍ଷେପ ନେଉନାହାନ୍ତି । ବଲାଙ୍ଗିର ଟାଉନ ପୁଲିସର ଦୁର୍ବତଳାର ସୁଯୋଗ ନେଇ ଚୋରମାନେ ଘର ମାଲିକ ଙ୍କୁ ଖୋଲାଖୋଲି ଚ୍ୟାଲେଞ୍ଜ କରି ଚୋରୀ କରିବାର ଏକ ନୂଆ ଟ୍ରେଣ୍ଡ ବାହାର କରିଛନ୍ତି ବୋଲି ପଡାବାସୀ ଅସନ୍ତୋଷ ପ୍ରକାଶ କରିବା ସହିତ ଆଜି ବଲାଙ୍ଗୀର ଏସ ପି ରିଶିକେସ ଖିଲାରି ଙ୍କ ଦ୍ଵାରସ୍ତ୍ ହୋଇଛନ୍ତି ପଡାବାସି ।
