କ୍ରିକେଟ ପ୍ରେମୀଙ୍କ ପାଇଁ ଖୁସି ଖବର , କମିଲା ବାରବାଟୀ ଟିକେଟ ଦର..
1 min read
ଶସ୍ତା ହେଲା ବାରବାଟୀ ଦିନିକିଆ ମୁକାବିଲା ଟିକେଟ ଦର। ଫେବ୍ରୁଆରୀ ୯ ଭାରତ-ଇଂଲଣ୍ଡ ମ୍ୟାଚ୍ ଟିକେଟ ଦର ହ୍ରାସ ପାଇଛି ।ନଭେମ୍ବର ୩ ତାରିଖରେ ବାରବାଟୀ ଦିନିକିଆ ପାଇଁ ଟିକେଟ ଦର ଘୋଷଣା କରିଥିଲା ଓସିଏ। ହେଲେ ଏବେ ଟିକେଟ ଦର କମାଇଛି ଓସିଏ। ୧୦୦ ଟଙ୍କା ଟିକେଟ ଦର ହ୍ରାସ କଲା ଓସିଏ। ଟିକେଟ ଦର ବୃଦ୍ଧିପରେ ସମାଲୋଚନାର ଶିକାର ହୋଇଥିଲା ଓସିଏ।
ଗ୍ୟାଲେରୀ ନମ୍ବର ୧,୩ ଓ ୬ ପାଇଁ ଟିକେଟର ମୂଲ୍ୟ ୧୨୦୦ ଟଙ୍କା ଧାର୍ଯ୍ୟ କରାଯାଇଥିଲା। ତାହା ଏବେ ୧୧୦୦ ଟଙ୍କା ହୋଇଛି । ସେହିପରି ଗ୍ୟାଲେରୀ ୨,୪ ପାଇଁ ୧୦୦୦ ଟଙ୍କା ଟିକେଟ ଦର ଧାର୍ଯ୍ୟ ହୋଇଥିଲା। ତାହା ଏବେ ୯୦୦ ଟଙ୍କା ହୋଇଛି। ୫ ନମ୍ବର ଗ୍ୟାଲେରୀ ପାଇଁ ୧୫୦୦ ଟଙ୍କା ଧାର୍ଯ୍ୟ ହୋଇଥିବା ବେଳେ ତାହା ଏବେ ୧୨୦୦ ଟଙ୍କା ହୋଇଛି।
ସେହିପରି ସ୍ପେଶାଲ ଏନ୍କ୍ଲୋଜର ପାଇଁ ଟିକେଟର ମୂଲ୍ୟ ୭୦୦୦ ଟଙ୍କା ରହିଥିବାବେଳେ ଏବେ ୬ ହଜାର କରାଯାଇଛି। ଏସି ଗ୍ୟାଲେରୀ ବକ୍ସ ପାଇଁ ୯୦୦୦ ଟଙ୍କା ଧାର୍ଯ୍ୟ କରାଯାଇଥିବା ବେଳେ ଏବେ ୮ ହଜାର କରାଯାଇଛି। କର୍ପୋରେଟ ବକ୍ସ ପାଇଁ ୨୦ ହଜାର ଟଙ୍କା ଓ ନ୍ୟୁ ପ୍ୟାଭିଲିୟନ ପାଇଁ ଟିକେଟର ଦାମ ୧୦ ହଜାର ଅପରିବର୍ତ୍ତିତ ରହିଛି ।
