ଦେଶ ବା ପରିବାର କାହାକୁ ବାଛିବେ ସଲମାନ? ଆସିଛି ଟାଇଗର୩ ର ଟ୍ରେଲର..
1 min read
ସରିଲା ଫ୍ୟାନ୍ସଙ୍କ ଅପେକ୍ଷା । ଫ୍ଲୋରକୁ ଆସିବାକୁ ପୁରା ପ୍ରସ୍ତୁତ ଟାଇଗର ଟିମ । ସୁପରଷ୍ଟାର ସଲମାନ ଖାନଙ୍କ ଫିଲ୍ମ ଟାଇଗର ୩ ପାଇଁ ପ୍ରଶଂସକମାନେ ଦୀର୍ଘବର୍ଷ ହେଲା ଅପେକ୍ଷା କରିଥିଲେ । ବର୍ତ୍ତମାନ ସମସ୍ତଙ୍କର ଅପେକ୍ଷା ସମାପ୍ତ ହୋଇଛି । ଟାଇଗର ୩ ର ଟ୍ରେଲର ଆଜି ରିଲିଜ ହୋଇସାରିଛି । ସଲମାନ ଖାନ ତାଙ୍କ ପ୍ରଶଂସକଙ୍କୁ ଏକ ଅଦ୍ଭୁତ ଉପହାର ଦେଇଛନ୍ତି । ବକ୍ସ ଅଫିସରେ ପ୍ରାଧାନ୍ୟ ବିସ୍ତାର କରିବାକୁ ସଲମାନ ଖାନ ପୁଣି ଥରେ ପ୍ରସ୍ତୁତି ସହ ଫେରିଛନ୍ତି । ଦୀପାକଳି ଅବସରରେ ଟାଇଗର ୩ ପରଦାରେ ଆସିବାକୁ ଯାଉଛି ।ଆଉ ମାତ୍ର ଗୋଟେ ମାସ ଥିବା ବେଳେ ତାର ଟ୍ରେଲର ଆଜି ପରଦାକୁ ଆସିଛି । ଦମଦାର ଡାଇଲଗ ସହ ଜବରଦସ୍ତ ଫାଇଟିଂ କରୁଛନ୍ତି ସଲମାନ ଏବଂ କ୍ୟାଟ୍ରିନା । ଏଥିସହ ପ୍ରଥମ ଥର ଟାଇଗର ଫିଲ୍ମରେ ଖଳନାୟକ ଭୂମିକାରେ ନଜର ଆସିବେ ଇମ୍ରାନ ହାସମୀ । ଟାଇଗର ଫିଲ୍ମର ପ୍ରଥମ ଏବଂ ୨ୟ ଭାଗ ପୂର୍ବ ଚଳଚ୍ଚିତ୍ର ବକ୍ସ ଅଫିସରେ ଭଲ ରୋଜଗାର କରିଥିଲା । ବର୍ତ୍ତମାନ ଟାଇଗର ୩ ର ପର୍ଯ୍ୟାୟ ଚାଲିଛି । ଟ୍ରେଲରକୁ ଦେଖିଲେ ଲାଗୁଛି ଯେ ଏଥର ମଧ୍ୟ ସଲମାନ ପ୍ରାଧାନ୍ୟ ବିସ୍ତାର କରିବେ । ବାହାରକୁ ଆସିଥିବା ଟ୍ରେଲରଟି ବହୁତ ଶକ୍ତିଶାଳୀ, ଯେଉଁଥିରେ କ୍ୟାଟ୍ରିନା କୈଫ ଏବଂ ଇମ୍ରାନ ହାଶମୀ ଏହି ଟ୍ରେଲରେ ନଜର ଆସିଛନ୍ତି ।
