ଆଜି ପ୍ରଥମ ଟି-୨୦ରେ ମୁହାଁମୁହିଁ ହେବେ ଭାରତ- ଦକ୍ଷିଣ ଆଫ୍ରିକା
1 min read
ଆଉ କିଛି ସମୟ ପରେ ଆରମ୍ଭ ହେବାକୁ ଯାଉଛି ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ୪ଟି ମ୍ୟାଚ୍ ବିଶିଷ୍ଟ ଟି-୨୦ ଶୃଙ୍ଖଳାର ପ୍ରଥମ ମ୍ୟାଚ୍ ଡର୍ବାନରେ ଖେଳାଯିବ । ଏହି ମ୍ୟାଚ ଖେଳିବାକୁ ୨ ଦଳ ସମ୍ପୂର୍ଣ୍ଣ ଭାବେ ପ୍ରସ୍ତୁତ ଅଛନ୍ତି । କିଙ୍ଗ୍ସମିଡ୍ କ୍ରିକେଟ ଗ୍ରାଉଣ୍ଡରେ ହେବ ଏହି ମ୍ୟାଚ | ଗତ ଟି-୨୦ ବିଶ୍ୱକପ୍ ଫାଇନାଲ ପରେ ଦୁଇ ଦଳ ପ୍ରଥମ ଥର ପାଇଁ ମୁହାଁମୁହିଁ ହେବାକୁ ଯାଉଛନ୍ତି । ଭାରତ ଏବଂ ଦକ୍ଷିଣ ଆଫ୍ରିକାର ପ୍ରଥମ ଟି-୨୦ ମ୍ୟାଚର ଲାଇଭ୍ ଷ୍ଟ୍ରିମ୍ ଜିଓ ସିନେମା ଆପରେ ଦେଖିପାରିବେ । ଏହା ସହ ସ୍ପୋର୍ଟ୍ସ ୧୮ ଟିଭି ଚ୍ୟାନେଲରେ ମ୍ୟାଚର ମଜା ନେଇପାରିବେ । ଭାରତୀୟ ସମୟ ଅନୁସାରେ ଆଜି ରାତି ୮ଟା ୩୦ରେ ମ୍ୟାଚ୍ ଆରମ୍ଭ ହେବ । ତେବେ ଆଞ୍ଚଳିକ ସମୟ(ଦକ୍ଷିଣ ଅଫ୍ରିକା) ଅନୁଯାୟୀ ମ୍ୟାଚ୍ ୫ଟାରେ ଆରମ୍ଭ ହେବ । ସୂର୍ଯ୍ୟକୁମାର ଯାଦବଙ୍କ ନେତୃତ୍ୱରେ ଯୁବ ଭାରତୀୟ ଦଳ ପାଇଁ ଉକ୍ତ ଶୃଙ୍ଖଳା ଏକ ଚ୍ୟାଲେଞ୍ଜ । ଅନ୍ୟପକ୍ଷରେ ଆଇଡେନ୍ ମାର୍କରାମଙ୍କ ନେତୃତ୍ୱରେ ଦକ୍ଷିଣ ଆଫ୍ରିକା ଦଳ ଘରୋଇ ମାଟିରେ ବିଜୟରୁ ଶୃଙ୍ଖଳା ଆରମ୍ଭ କରିବ ବୋଲି ଆଶାବାଦୀ ରହିଛି ।
