ଭିଆଇପି ଷ୍ଟାଟସ୍ ମାଗୁଥିଲେ ଟ୍ରେନି IAS, ଅଭିଯୋଗ ପରେ ସରକାର କଲେ ବଦଳି
1 min readବିବାଦରେ IAS ଅଧିକାରୀ | ମହାରାଷ୍ଟ୍ର କ୍ୟାଡର ତାଲିମପ୍ରାପ୍ତ ଆଇଏଏସ୍ ଅଧିକାରୀ ପୂଜା ଖେଜକରଙ୍କ ବିରୋଧରେ ସରକାର ତାଙ୍କ ଅଡ଼ି କାରରେ ନାଲି ବତି ଲଗାଇ ଭିଆଇପି ସୁବିଧା ଦାବି କରି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। କ୍ଷମତାର ଅପବ୍ୟବହାର ସହ ଜଡିତ ଅନେକ ଅଭିଯୋଗ ହେବା ପରେ ସରକାର ପୁଣେ ଖେଡକରଙ୍କୁ ପୁଣେରୁ କେନ୍ଦ୍ରୀୟ ମହାରାଷ୍ଟ୍ରର ୱାସିମ ଜିଲ୍ଲାକୁ ସ୍ଥାନାନ୍ତର କରିଛନ୍ତି। ପୁଣେ କଲେକ୍ଟର ଜକ୍ଟର ସୁହାସ ଦିୱାସ ମୁଖ୍ୟ ଶାସନ ସଚିବଙ୍କ ନିକଟକୁ ଲେଖୁଥିବା ଅଭିଯୋଗ ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ଅଭିଯୋଗ ଅନୁସାରେ, ଖେଡକର ଜିଲ୍ଲାପାଳ କାର୍ଯ୍ୟାଳୟରୁ ଭିଆଇପିଙ୍କ ଉଦ୍ଦିଷ୍ଟ ସ୍ୱତନ୍ତ୍ର ସୁବିଧା ଦାବି କରିଥିଲେ, ଯାହା ପ୍ରୋବେସନ ଅବଧି ସମୟରେ ମିଳିନଥାଏ।ଭିଆଇପି ନମ୍ବର ପ୍ଲେଟ୍ ସହ ଏକ ସରକାରୀ କାର୍, ଆବାସ, ପର୍ଯ୍ୟାପ୍ତ କର୍ମଚାରୀ ଥିବା ଏକ ସରକାରୀ କୋଠରୀ ଏବଂ ଜଣେ କନଷ୍ଟେବଳ ନିଯୁକ୍ତ କରିବାକୁ ଦାବି କରିଥିଲେ ପୂଜା ଖେଡକର। ଏହାସହ ସେ ନିଜ ବ୍ୟକ୍ତିଗତ ଅଡ଼ି କାରରରେ ନାଲି ବତି ଲଗାଇବା ସହ ଭିଆଇପି ନମ୍ବର ପ୍ଲେଟ ବ୍ୟବହାର କରିଥିଲେ | କେବଳ ଏତିକି ନୁହେଁ ପୂଜା ନିଜ ଗାଡ଼ିରେ ମହାରାଷ୍ଟ୍ର ସରକାର ବୋର୍ଡ ରଖିଥିଲେ | ଯାହାପରେ ପ୍ରଶାସନିକ କ୍ଷେତ୍ରରେ ହଇଚଇ ସୃଷ୍ଟି କରିଥିଲା |
ନିୟମ ଅନୁସାରେ, ଜଣେ ପ୍ରୋବେସନ୍ ଅଧିକାରୀଙ୍କୁ ଉପରୋକ୍ତ ସୁବିଧା ଯୋଗାଇ ଦିଆଯାଏ ନାହିଁ। ପ୍ରଥମେ ସେମାନଙ୍କୁ ଗେଜେଟେଡ୍ ଅଫିସର ଭାବରେ ନିଯୁକ୍ତ କରାଯାଏ।
ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରି 2023 ବ୍ୟାଚ୍ ଆଇଏଏସ୍ ଅଧିକାରୀ ପୂଜା ଖେଡକର ଏବେ ୱାଶିମ୍ ଜିଲ୍ଲାକୁ ବଦଳି କରାଯାଇଛି | ସେଠାରେ ସେ ୱାଶିମ୍ ଜିଲ୍ଲାର ସହାୟକ ଜିଲ୍ଲାପାଳ ଭାବେ କାର୍ଯ୍ୟ କରିବେ |
୨0୧୩ ପ୍ରଶାସନିକ ପରୀକ୍ଷାରେ ୮୪୧ ରାଙ୍କ ପାଇଥିଲେ ପୂଜା ଖେଡକର। ତାଙ୍କ ବାପା ଜଣେ ଅବସରପ୍ରାପ୍ତ ପ୍ରଶାସନିକ ଅଧିକାରୀ। ସେ ମଧ୍ୟ ଝିଅର ଅତିରିକ୍ତ ଦାବି ପୂରଣ କରିବାକୁ ଜିଲ୍ଲା କଲେକ୍ଟର କାର୍ଯ୍ୟାଳୟ ଉପରେ ଚାପ ପକାଇ ଆସୁଥିବା ଅଭିଯୋଗ ହୋଇଛି।