ମାଇଲଷ୍ଟୋନକୁ ଧକ୍କା ଦେଇ ରାସ୍ତାପାର୍ଶ୍ଵକୁ ଓଲଟିଲା ସିମେଣ୍ଟ ବୋଝେଇ ଟ୍ରକ
1 min read
ମୟୁରଭଞ୍ଜ : ସିମେଣ୍ଟ ବୋଝେଇ କରି ବାଲେଶ୍ୱରରୁ ଉଦଳା ଆସୁଥିଲେ ଟ୍ରକ୍ । ହେଲେ ବିଳମ୍ବିତ ରାତିରେ ହଠାତ୍ ଗାଡିର ଷ୍ଟେରିଙ୍ଗ ଫେଲ ହୋଇଯାଇଥିଲା ।ଏହା ପରେ ଗାଡିଟି ଭାରସାମ୍ୟ ହରାଇ ରାସ୍ତାପାର୍ଶ୍ଵରେ ଥିବା ମାଇଲଷ୍ଟୋନ କୁ ଧକ୍କା ଦେଇ ଓଲଟି ପଡିଥିଲା । ଏଭଳି ଘଟଣା ଘଟିଛି ଉଦଳା – କପ୍ତିପଦା ରାଜ୍ୟ ରାଜପଥର ଜାରଡା ଛକ ନିକଟରେ ।
ସୂଚନା ଅନୁଯାୟୀ ଟ୍ରକଟି ଗତକାଲି ବାଲେଶ୍ୱର ଜିଲ୍ଲାରୁ ଏକ ଟ୍ରକ ସିମେଣ୍ଟ ବୋଝେଇ କରି ଉଦଳା ପ୍ରମିଳା ଏଣ୍ଟରପ୍ରାଇଜେସକୁ ସିମେଣ୍ଟ ନେଇ ଆସୁଥିଲା । ହେଲେ ବିଳମ୍ବିତ ରାତିରେ କପ୍ତିପଦା ଥାନା ଜାରଡା ଛକ ନିକଟରେ ହଠାତ ଟ୍ରକର ଷ୍ଟେରିଙ୍ଗ ଫେଲ ହୋଇଥିଲା । ଯାହା ଫଳରେ ଟ୍ରକଟି ଭାରସାମ୍ୟ ହରାଇ ରାସ୍ତାପାର୍ଶ୍ୱରେ ଥିବା ମାଇଲ ଷ୍ଟୋନକୁ ବାଡେଇ ରାସ୍ତା ପାର୍ଶ୍ଵ ଖାଲକୁ ଟ୍ରକଟି ଓଲଟି ପଡିଥିଲା । ଟ୍ରକ ଭିତରେ ଡ୍ରାଇଭର ରହି ଯାଇଥିବା ବେଳେ ରାସ୍ତାରେ ଯାଉଥିବା ଲୋକମାନଙ୍କ ସହାୟତାରେ ଡ୍ରାଇଭର କୁ ଟ୍ରକ ଭିତରୁ ଉଦ୍ଧାର କରାଯାଇଛି ତେବେ ଏହି ଦୁର୍ଘଟଣାରେ ଟ୍ରକର ଆଗ ୨ ଛକ ଭାଙ୍ଗି ବାହାରି ଯାଇଥିବା ବେଳେ ସିମେଣ୍ଟ ଗୁଡିକ ରାସ୍ତା ପାର୍ଶ୍ଵରେ ପଡି ରହିଛି ଖବର ପାଇ କପ୍ତିପଦା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
