ଟ୍ରକକୁ ଧକ୍କା ଦେଲା ଟ୍ରକ ; ଗାଡି ସହ ଜୀବନ୍ତ ଜଳିଗଲେ ଡ୍ରାଇଭର ….
1 min read
କେନ୍ଦୁଝର : କେନ୍ଦୁଝର ଜିଲ୍ଲା ସଦର ଥାନା ୪୯ ନମ୍ବର ଜାତୀୟ ରାଜପଥର ମହୁଲଡିହା ଗାଁ ନିକଟରେ ଘଟିଯାଇଛି ଛାତିଥରା ଦୁର୍ଘଟଣା । ଭୋର ସମୟରେ ଗୋଟିଏ ଟ୍ରକକୁ ପଛପଟୁ ଆଉ ଏକ ଟ୍ରକ୍ ଧକ୍କା ଦେବା ଫଳରେ ପଛ ଟ୍ରକଟିରେ ନିଆଁ ଧରିନେଇଥିଲା । ପ୍ରଥମ ଟ୍ରକରେ ଲୁହା ଚାଦର ଥିବା ବେଳେ ପଛ ଟ୍ରକଟି ଆଲୁମିନିୟମ୍ ନେଇ ଯାଉଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ ଦ୍ୱିତୀୟ ଗାଡିସହ ଘଟଣା ସ୍ଥଳରେ ଡ୍ରାଇଭର ମଧ୍ୟ ଜୀବନ୍ତ ଦଗ୍ଧ ହୋଇଯାଇଥିଲେ ।
ଖବର ଅନୁଯାୟୀ ଆଜି ଭୋର ୪ ଟା ସମୟରେ ଦୁଇଟି ଟ୍ରକ୍ କଲିକତା ଅଭିମୁଖେ ଯାଉଥିଲା । ମହୁଲଡିହା ଗାଁ ନିକଟରେ ଲୁହା ଚାଦର ବୋଝେଇ ଟ୍ରକ୍କୁ ଆଲୁମିନିୟମ ବୋଝେଇ ଟ୍ରକ୍ ପଛରୁ ଧକ୍କା ଦେଇଥିଲା। ପରେ ଆଲୁମିନିୟମ ବୋଝେଇ ଟ୍ରକ୍ରେ ନିଆଁ ଲାଗିଯାଇଥିଲା। ଡ୍ରାଇଭର ଜଣଙ୍କ ଚାପିହୋଇ ଯାଇଥିବାରୁ ଟ୍ରକରୁ ବାହାରି ପାରିନଥିଲେ । ଟ୍ରକ୍ରେ ନିଆଁ ବଢିବା ସହ ଡ୍ରାଇଭର ଜଣଙ୍କ ସେଥିରେ ଜୀବନ୍ତ ଦଗ୍ଧ ହୋଇଯାଇଥିଲେ । ପରେ ଖବର ପାଇଁ ପୋଲିସ ଓ ଅଗ୍ନୀଶମ ବାହୀନି ଘଟଣାସ୍ଥଳରେ ପହଞ୍ଚି ଜୀବନ୍ତ ଦଗ୍ଧ ଡ୍ରାଇଭରକୁ ଉଦ୍ଧାର କରିଥିବା ଜଣାପଡିଛି ।
