ଶୋଇଥିଲେ ଶାଶୁ ବୋହୂ , ଘର ଉପରେ ମାଡିଗଲା ହାଇୱା….

ରାଜନଗର : ଶୋଇଥିଲେ ଶାଶୁ ବୋହୂ , ଘରେ ଉପରେ ଓଲଟିଲା ଚିପ୍ସ ବୋଝେଇ ହାଇୱା । ଏଭଳି ଏକ ଅଭାବନୀୟ ଘଟଣା ଘଟିଛି କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଥାନା ଅନ୍ତର୍ଗତ କୃଷ୍ଣନଗର ବାଘୁଆ ଗାଁରେ। ଗୁରୁତର ଆହତ ହୋଇଥିବା ଶାଶୁ ବୋହୂ ହେଲେ ଶାଶୁ କଳ୍ପନା ଗିରି (୬୦ ବର୍ଷ ) ଓ ବୋହୁ ମନୀଷା ଦାସ ( ୨୨ବର୍ଷ ) ।

ଖବର ଅନୁଯାୟୀ ଆଜି ସକାଳେ ଶାଶୁ ବୋହୂ ଘରେ ଶୋଇଥିବା ବେଳେ ଏଭଳି ଘଟଣା ଘଟିଛି । ଏକ ଚିପ୍ସ ବୋଝ ହାଇୱାଟି ତାଳଚୁଆ ଅଭିମୁଖେ ଯାଉଥିଲା। ବର୍ଷା ଯୋଗୁ ରାସ୍ତା ଖରାପ ହୋଇଥିବାରୁ ହାଇୱାଟି ରାସ୍ତାକଡ଼ରେ ଥିବା କଳ୍ପନାଙ୍କ ଘର ଉପରେ ମାଡି ଯାଇ ଓଲଟିପଡିଥିଲା । ସେହି ସମୟରେ ଘର ଭିତରେ ଶାଶୁ ବୋହୂ ୨ ଜଣ ଶୋଇଥିଲେ ।

Advertisement

ସ୍ଥାନୀୟ ଲୋକେ ତୁରନ୍ତ ସେଠାରେ ପହଞ୍ଚି ଶାଶୁ ବୋହୂ ଦୁହିଁଙ୍କୁ ଉଦ୍ଧାର କରି କେନ୍ଦ୍ରାପଡା ଜିଲ୍ଲା ହସ୍ପିଟାଲରେ ଭର୍ତ୍ତି କରାଇଥିବା ଜଣାପଡିଛି । ଅନ୍ୟପଟେ ପୋଲିସ ହାଇୱାକୁ ଜବତ୍ କରି ଘଟଣାର ତଦନ୍ତ ଚଳାଇଛି ।