ବିଜୟ ପରେ ଟ୍ରମ୍ପକୁ ଶୁଭେଚ୍ଛା ଜଣାଇଲେ ବାବା ରାମଦେବ ,କହିଲେ ସେ ହେଉଛନ୍ତି ସନାତନ ଧର୍ମର ସମର୍ଥକ…
1 min read
ଆମେରିକା ରାଷ୍ଟ୍ରପତି ନିର୍ବାଚନରେ ଡୋନାଲ୍ଡ ଟ୍ରମ୍ପ ବିଜେତା ହୋଇଛନ୍ତି। ରିପବ୍ଲିକାନ୍ ପ୍ରାର୍ଥୀ ଡୋନାଲ୍ଡ ଟ୍ରମ୍ପ କମଲା ହାରିସ ଙ୍କୁ ହରାଇ ହ୍ୱାଇଟ ହାଉସ ର ବସ ହୋଇଛନ୍ତି । ରିପବ୍ଲିକାନ ପ୍ରାର୍ଥୀ ଟ୍ରମ୍ପଙ୍କୁ ୨୭୭ ଇଲେକ୍ଟୋରାଲ ଭୋଟ୍ ମିଳିଥିବା ବେଳେ ଡେମୋକ୍ରେଟିକ୍ ପ୍ରାର୍ଥୀ କମଲା ହାରିସ ବହୁମତରୁ ପଛରେ ରହିଯାଇଛନ୍ତି। ତେବେ ଏହି ବିଜୟ ପରେ ଟ୍ରମ୍ପଙ୍କ ନିକଟକୁ ବିଶ୍ୱନେତାଙ୍କ ଶୁଭେଚ୍ଛାର ସୁଅ ଛୁଟୁଛି। ଏସବୁ ମଧ୍ୟରେ ଭାରତ ର ଯୋଗ ଗୁରୁ ବାବା ରାମଦେବ ଟ୍ରମ୍ପଙ୍କୁ ତାଙ୍କ ନିିର୍ବାଚନରେ ବିଜୟ ପାଇଁ ଅଭିନନ୍ଦନ ଜଣାଇ କହିଛନ୍ତି, ଟ୍ରମ୍ପ ଭାରତକୁ ବହୁତ ଭଲ ପାଆନ୍ତି। ସେ ସନାତନ ଧର୍ମର ସମର୍ଥକ ଅଟନ୍ତି। ଟ୍ରମ୍ପଙ୍କ ‘ଆମେରିକା ଫାଷ୍ଟ’ ନୀତିକୁ ପ୍ରଶଂସା କରି ସେ କହିଛନ୍ତି ଯେ ଜାତୀୟତା ଉପରେ ଆଧାରିତ ଏହି ଆଦର୍ଶ ଭାରତର ଆଦର୍ଶ ସହିତ ସମ୍ପୂର୍ଣ୍ଣ ମେଳ ଖାଉଛି। ଟ୍ରମ୍ପଙ୍କ ବିଜୟ ଭାରତ ଏବଂ ଆମେରିକା ମଧ୍ୟରେ ଏକ ନୂତନ ଯୁଗର ଆରମ୍ଭକୁ ଚିହ୍ନିତ କରିଛି ବୋଲି ସେ କହିଛନ୍ତି।
ଗଣମାଧ୍ୟମକୁ ରାମଦେବ କହିଛନ୍ତି ଯେ ଟ୍ରମ୍ପଙ୍କ ପାଇଁ ଜାତୀୟତା ସର୍ବାର୍ଗେ। ଯେପରି ଆମେ ଭାରତରେ ଜାତୀୟତାକୁ ପ୍ରାଧାନ୍ୟ ଦେଉଛୁ, ଟ୍ରମ୍ପଙ୍କ ଆଦର୍ଶରେ ମଧ୍ୟ ଆମେରିକା ପ୍ରଥମ ସ୍ଥାନ ଅଧିକାର କରିଛି। ରାମଦେବ ଆହୁରି କହିଛନ୍ତି ଯେ ଯିଏ ନିଜ ଦେଶକୁ ପ୍ରଥମେ ରଖେ ସେ ହିଁ ଅଗ୍ରଗତି କରେ ଏବଂ ଇତିହାସରେ ନିଜର ସ୍ଥାନ ସୃଷ୍ଟି କରେ।
ଏହାଛଡ଼ା ରାମଦେବ କହିଛନ୍ତି ଯେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଟ୍ରମ୍ପଙ୍କୁ ତାଙ୍କ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି। ଟ୍ରମ୍ପଙ୍କ ପ୍ରଥମ କାର୍ଯ୍ୟକାଳ ମଧ୍ୟରେ ଭାରତ-ଆମେରିକା ସମ୍ପର୍କର ସକରାତ୍ମକ ଅଗ୍ରଗତିକୁ ଲକ୍ଷ୍ୟ କରି ସେ ସେପ୍ଟେମ୍ବର ୨୦୧୯ ରେ ହ୍ୟୁଷ୍ଟନରେ ହାଓଡି ମୋଦୀ ଇଭେଣ୍ଟ ଏବଂ ଫେବୃଆରୀରେ ଅହମ୍ମଦାବାଦରେ ନମସ୍ତେ ଟ୍ରମ୍ପ ଘଟଣାକୁ ମନେ ପକାଇଥିଲେ। ଭବିଷ୍ୟତରେ ଉଭୟ ଦେଶ ବିଶ୍ୱ ଶାନ୍ତି ଏବଂ ସ୍ଥିରତା ପାଇଁ ମିଳିତ ଭାବେ କାର୍ଯ୍ୟ କରିବେ ବୋଲି ସେ ଆତ୍ମବିଶ୍ୱାସ ପ୍ରକାଶ କରିଛନ୍ତି। ଭବିଷ୍ୟତରେ ଟେକ୍ନୋଲୋଜି, ପ୍ରତିରକ୍ଷା, ଶକ୍ତି, ମହାକାଶ ଏବଂ ଅନ୍ୟାନ୍ୟ କ୍ଷେତ୍ରରେ ଦ୍ୱିପାକ୍ଷିକ ସମ୍ପର୍କକୁ ମଜବୁତ କରିବାକୁ ଭାରତ ଏବଂ ଆମେରିକା ପ୍ରତିବଦ୍ଧ।
