ଆମେରିକା ରାଷ୍ଟ୍ରପତି ନିର୍ବାଚନ :ଅଳିଆ ଗାଡ଼ି ଧରି ପ୍ରଚାର କଲେ ଟ୍ରମ୍ପ…
1 min read
ଆମେରିକାରେ ରାଷ୍ଟ୍ରପତି ନିର୍ବାଚନ ଆଉ ଗୋଟିଏ ସପ୍ତାହ ବାକି ଅଛି। ବିଜୟ ପାଇଁ ରପବ୍ଲିକାନ ପାର୍ଟି ପ୍ରାର୍ଥୀ ଡୋନାଲ୍ଡ ଟ୍ରମ୍ପ ଏବଂ ଡେମୋକ୍ରାଟ ପ୍ରାର୍ଥୀ କମଳା ହାରିସଙ୍କ ମଧ୍ୟରେ ଚାଲିଛି ଜୋରଦାର ଟକ୍କର । ତେବେ ଏହାରି ମଧ୍ୟରେ ଡୋନାଲ୍ଡ ଟ୍ରମ୍ପଙ୍କୁ ଏକ ଭିନ୍ନ ଅବତାରରେ ଦେଖିବାକୁ ମିଳିଛି। ସେ ଏକ ଆବର୍ଜନା ଟ୍ରକ ସହିତ ନିର୍ବାଚନ ପ୍ରଚାର କରିଛନ୍ତି।
ରାଷ୍ଟ୍ରପତି ଜୋ ବାଇଡେନ ରିପବ୍ଲିକାନ ସମର୍ଥକଙ୍କ ବିଷୟରେ କଟୁ ମନ୍ତବ୍ୟ ଦେଇ ପୁଣିଥରେ ଡେମୋକ୍ରାଟିକ୍ ପ୍ରାର୍ଥୀ କମଲା ହାରିସଙ୍କ ମୁଣ୍ଡବିନ୍ଧାର କାରଣ ପାଲଟିଛନ୍ତି। ଗତ ସପ୍ତାହରେ ୱାଶିଂଟନ୍ର ଏକ ବିଶାଳ ସମାବେଶ କମଳା ବେଶ ଆଗରେ ରହିବେ ବୋଲି ଆଶାବାଦୀ ଥିଲେ କିନ୍ତୁ ଟ୍ରମ୍ପଙ୍କ ସମର୍ଥକଙ୍କୁ ଅଳିଆ ବୋଲି ଦର୍ଶାଇ ବାଇଡେନଙ୍କ ମନ୍ତବ୍ୟ ତାଙ୍କୁ ପୁଣି ପଛକୁ ଟାଣି ନେଇଛି।
ଏହାକୁ ଏକ ସୁଯୋଗରେ ପରିଣତ କରି ଟ୍ରମ୍ପ ୱିସ୍କନ୍ସିନ୍ ବିମାନ ବନ୍ଦରରେ ଏକ ବର୍ଜ୍ୟବସ୍ତୁ ଟ୍ରକ ଚଳାଇ ସାମ୍ବାଦିକମାନଙ୍କ ପ୍ରଶ୍ନର ଉତ୍ତର ଦେଇଥିଲେ। ଗାଡିର କ୍ୟାବିନରୁ ଟ୍ରମ୍ପ କହିଛନ୍ତି, ‘ତୁମେ ମୋର ଆବର୍ଜନା ଟ୍ରକକୁ କିପରି ପସନ୍ଦ କରୁଛ? ଏହି ଟ୍ରକ କମଲା ଏବଂ ଜୋ ବିଡେନଙ୍କ ସମ୍ମାନାର୍ଥେ ଅଟେ।’
‘ଯଦି ଆପଣ ଆମେରିକୀୟ ଲୋକଙ୍କୁ ଘୃଣା କରନ୍ତି ତେବେ ଆପଣ ରାଷ୍ଟ୍ରପତି ହୋଇପାରିବେ ନାହିଁ, ଯାହା ମୁଁ ବିଶ୍ୱାସ କରୁଛି ଯେ ସେମାନେ ଏପରି କରନ୍ତି’।
ଡୋନାଲ୍ଡ ଟ୍ରମ୍ପଙ୍କ ଉପରେ କମଲା ହାରିସ ମାତ୍ର ୧ ପ୍ରତିଶତ ଆଗୁଆ ଅଛନ୍ତି। ଯାହା ଦୁଇ ପ୍ରାର୍ଥୀଙ୍କ ମଧ୍ୟରେ କଡ଼ା ପ୍ରତିଯୋଗିତାକୁ ଦର୍ଶାଉଛି। ଆମେରିକାର ରାଷ୍ଟ୍ରପତି ନିର୍ବାଚନ ପାଇଁ କରାଯାଇଥିବା ସର୍ଭେରେ କମଲା ହାରିସ୍ ୪୪ ପ୍ରତିଶତ ଭୋଟରଙ୍କ ସମର୍ଥନ ପାଇଛନ୍ତି। ଯେତେବେଳେ କି ଡୋନାଲ୍ଡ ଟ୍ରମ୍ପ ୪୩ ପ୍ରତିଶତ ଜନସାଧାରଣଙ୍କ ସମର୍ଥନ ପାଇଛନ୍ତି।
