ଟ୍ରାକ୍ଟରକୁ କାଠ ବୋହୁଥିଲେ ଯୁବକ ; ପଛରୁ ଧକ୍କାଦେଲା ବାଇକ୍ , ୨ ମୃତ ….
1 min read
ରାୟଗଡା ; ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ଶିକରପାଇ ପଞ୍ଚାୟତର କୃଷ୍ଣ ନଗର ଗାଁ ଛକ ରେ ଠିଆହୋଇ ଥିବା ଟ୍ରାକ୍ଟରେ କାଠ ବୋଝେଇ କରୁଥିବା ଜଣେ ଯୁବକକୁ ବାଇକ ଧକ୍କା ଦେଇଥିଲା ଯାହା ଫଳରେ ଘଟଣା ସ୍ଥଳରେ ବାଇକ ଆରୋହୀଙ୍କ ସହ ଦୁଇ ଜଣଙ୍କ ଜୀବନ ଚାଲିଯାଇଥିବା ଜଣାପଡିଛି ।
ସୂଚନା ଅନୁଯାୟୀ ସନ୍ଧ୍ୟାରେ ସାଜା ଗ୍ରାମର ଯୋଗେଶ ମିଣିଆକା ଠିଆ ହୋଇ ଥିବା ଏକ ଟ୍ରାକ୍ଟରରେ କାଠ ବୋଝେଇ କରୁଥିବା ସମୟରେ ଏକ ବାଇକରେ ରେଲୱେ ଶ୍ରମିକ ଭାବେ କାର୍ଯ୍ୟରତ ନୟାଗଡ ଜିଲ୍ଲାର ବିଶ୍ୱଜିତ୍ ଦୋରା ଶିକର ପାଇ ଠାରୁ ମୋଟର ସାଇକେଲ ଧରି ଯାଉଥିବା ବେଳେ, କୃଷ୍ଣ ନଗର ନିକଟରେ ଭାରସାମ୍ୟ ହରାଇ ଟ୍ରାକ୍ଟର ରେ ନିଳଗିରି କାଠ ବୋଝେଇ କରୁଥିବା ଶ୍ରମିକ ସାଜା ଗ୍ରାମର ଯୋଗେଶ ମିନିଆକା ଙ୍କୁ ଧକ୍କା ଦେଇଥିଲା ।ଯାହା ଫଳରେ ଘଟଣା ସ୍ଥଳରେ ଉଭୟଙ୍କ ମୃତ୍ୟୁ ହୋଇଯାଇଛି ।
ଏନେଇ ସମୃକ୍ତ ଅଞ୍ଚଳରେ ଶୋକର ଛାୟା ଖେଳିଯାଇଛି। ପରେ ଉକ୍ତ ଅଞ୍ଚଳବାସୀ କ୍ଷତିପୁରଣ ପାଇଁ ରାସ୍ତା ଅବରୋଧ କରିଥିଲେ ଯାହା ଫଳରେ ବହୁ ସମୟ ଧରି ଯାନ ବାହନ ଘଣ୍ଟା ଘଣ୍ଟା ଧରି ରାସ୍ତା ରେ ଅଟକି ରହିଥିଲା ।ସୂଚନା ପାଇ ଘଟଣା ସ୍ଥଳରେ କଲ୍ୟାଣସିଂହପୁର ପୁଲିସ ଥାନା ଅଧିକାରୀ ନୀଳକଣ୍ଠ ବେହେରା ପହଞ୍ଚି ଲୋକ ଙ୍କୁ ବୁଝା ଶୁଝା କରି ସକାଳୁ ଶବ ବ୍ୟବଚ୍ଛେଦ କରି ପରିବାର ଲୋକ ଙ୍କୁ ଅସ୍ତନ୍ତର କରିଥିବା ଜଣା ପଡ଼ିଛି।
