ସଂପର୍କରେ ଲାଗିଲା କଳଙ୍କ ଛିଟା , ଭାଣିଜୀକୁ ଦୁଷ୍କର୍ମ କଲା ମାମୁଁ..

ଉଦଳା : ସଂପର୍କରେ ଲାଗିଲା କଳଙ୍କ ଛିଟା । ଦିବ୍ୟାଙ୍ଗ ଭାଣିଜୀକୁ ଦୁଷ୍କର୍ମ କଲା ସଂପର୍କୀୟ ମାମୁଁ । ଏଭଳି ଘଟଣା ଘଟିଛି ଖୁଂଟା ଥାନା ବଡଫେଣୀ ଅଂଚଳରେ । ବଡଫେଣି ଅଂଚଳର ଜଣେ ଦିବ୍ୟାଙ୍ଗ ଯୂବତୀ ବୁଧବାର ଦିନ ମଧ୍ୟାହ୍ନରେ ଛେଳି ଚରାଇବା ନିମନ୍ତେ ଯାଇଥିଲେ । ଏହି ସମୟରେ ଜଙ୍ଗଲ ନିକଟରେ ଏକୁଟିଆ ଦିବ୍ୟାଙ୍ଗ ଭାଣିଜୀ ଥିବା ଦେଖି ସଂପର୍କୀୟ ମାମୁଁ ରାଜକିଶୋର ଦାସ ସେଠାରେ ପହଂଚି ଭାଣିଜୀକୁ ଚକୋଲେଟ ଦେଇଥିଲା । ଭାଣିଜୀ ଜଣକ ଦିବ୍ୟାଙ୍ଗ ହୋଇଥିବା ବେଳେ ସେ ଚକୋଲେଟ ଖାଇବା ପରେ ତାକୁ ଏକୁଟିଆ ପାଇ ମାମୁଁ ରାଜକିଶୋର ଦାସ ତାକୁ ଦୁଷ୍କର୍ମ କରିଥିଲା ।

ପରେ ଦିବ୍ୟାଙ୍ଗ ଯୁବତୀ ଜଣକ ଏ ନେଇ ରାତିରେ ତାର ପରିବାର ଲୋକଙ୍କୁ କହିବା ପରେ ଏ ନେଇ ସେମାନେ ଖୁଂଟା ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ୍ ଅଭିଯୋଗକୁ ଆଧାର କରି ଘଟଣାର ତଦନ୍ତ କରିବା ସହିତ ସଂପର୍କୀୟ ମାମୁଁ ରାଜକିଶୋର ଦାସକୁ ଗିରଫ କରିଛି । ଏପଟେ ଦିବ୍ୟାଙ୍ଗ ଯୁବତୀଙ୍କ ଡାକ୍ତରୀ ମାଇନା କରିଛି ପୋଲିସ୍ ।

Advertisement