ପଥର ବ୍ଲାଷ୍ଟ୍ ବେଳେ ଅଘଟଣ ; ବିରାଟକାୟ ପଥର ତଳେ ଚାପି ହୋଇ ମାମୁଁ ଭଣଜା ମୃତ …
1 min read
ଗଜପତି : ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ବନ୍ଧାଗୁଡ଼ା ଗ୍ରାମ କ୍ରସର୍ ନିକଟରେ ପଥର ବ୍ଲାଷ୍ଟ୍ ବେଳେ ଅଘଟଣ । ବିରାଟକାୟ ପଥର ତଳେ ଚାପି ହୋଇ ମାମୁଁ ଭଣଜା ମୃତ । ଉଭୟ ଗଞ୍ଜାମ ଜିଲ୍ଲା ରମ୍ଭା ଥାନା ଅନ୍ତର୍ଗତ ଝାରେଡି ରାଧାଗୋବିନ୍ଦପୂର୍ ର ନାରାୟଣ ନାହାକ ଓ ଅନ୍ୟ ଜଣ ମଧୂରଚୁଆ ଗ୍ରାମର ବିଷ୍ଣୁପ୍ରସଡ ନାହାକ ବୋଲି ଜଣାପଡିଛି ।
ଖବର ଅନୁଯାୟୀ ଗତକାଲି ସନ୍ଧ୍ୟାରେ କ୍ରସର ନିମନ୍ତେ ପଥର ବ୍ଲାଷ୍ଟିଙ୍ଗ କରୁଥିବା ବେଳେ ବ୍ଲାଷ୍ଟିଂର କମ୍ପନରେ ଏକ ବଡ ପଥରକୁ ସୁରକ୍ଷିତ ଭାବି ସେହି ପଥର ପାଖରେ ରହିଯାଇଥିଲେ । କିନ୍ତୁ ବ୍ଲଷ୍ଟି ବେଳେ ସେହି ପଥର ହିଁ କାଳ ସାଜିଲା । ସେହି ବଡ ପଥର ତଳେ ଚାପି ହୋଇ ମାମୁଁ ଭଣଜାଙ୍କ ଜୀବନ ଚାଲିଗଲା ।
ଖବର ପାଇଁ ଘଟଣା ସ୍ଥଳରେ ମୋହନା ପୋଲିସ ଓ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଯୁଦ୍ଧ ଭିତ୍ତିକ ଭାବେ ଚଲାଯାଇଛି । ଦୀର୍ଘ ଘଣ୍ଟା ବିତି ଯାଇଥିଲେ ମଧ୍ୟ ମୃତ ଦେହ ଉଦ୍ଧାର ହୋଇପାରିନାହିଁ । ଘଟଣା ସ୍ଥଳରେ ପରିବାର ଲୋକ ପହଞ୍ଚି କ୍ଷତି ପୁରାଣ ଲାଗି ଦାବି କରିଥିବା ଜଣାପଡିଛି ।
