ଗୁରୁ ଦିବସରେ ନିଆରା ଗୁରୁପୂଜା ; ଘର ଘର ବୁଲି ଏଭଳି କଲେ ଗୁରୁପୂଜା ….
1 min read
ବେଗୁନିଆପଡ଼ା ; ରାଜ୍ୟ ବିଜୁ ଜନତା ଦଳ କମିଟିର ଓଡ଼ିଶା ରାଜ୍ୟ ସମ୍ପାଦକ ଶ୍ରୀ ପ୍ରମୋଦ କୁମାର ପଣ୍ଡା ଗୁରୁ ଦିବସ ଅବକାଶରେ କବିସୂର୍ଯ୍ୟନଗର, କୋଦଳା ଓ ବେଗୁନିଆପଡ଼ା ଅଂଚଳର ବହୁ ବୟୋଜ୍ୟେଷ୍ଠ ଏବଂ ଦକ୍ଷ ଗୁରୁ ମାନଙ୍କ ଘରକୁ ଘର ବୁଲି ଗୁରୁ ପୂଜନ ପରମ୍ପରାକୁ ସଶ୍ରଦ୍ଧ ସମ୍ମାନର ସହିତ ନିଜର ଯୁବ ବାହିନୀ ନେଇ ସମ୍ପାଦିତ କରିଥିଲେ । ଏହି କ୍ରମରେ ଶ୍ରୀଯୁକ୍ତ ପଣ୍ଡା ଏହି ବୟୋବୃଦ୍ଧ ଗୁରୁ ମାନଙ୍କ ଠାରୁ ଆଶୀର୍ବାଦ ଭିକ୍ଷା କରିବ ସହ ସେମାନଙ୍କୁ ଅଙ୍ଗବସ୍ତ୍ର, ଫୁଲ – ଚନ୍ଦନ ଏବଂ ଭାସ୍କର ମାଳା ଦେଇ ଗଭୀର ଶ୍ରଦ୍ଧା – ଭକ୍ତି ଓ ସମ୍ନାନରେ ସମ୍ବର୍ଦ୍ଧିତ କରିଥିଲେ ।
ଏହି କ୍ରମରେ ଥିଲେ ଶ୍ରୀ ଧବଳେଶ୍ବର ମହାପାତ୍ର( ସଙ୍କୁଡ଼ା) , ଶ୍ରୀ ବୃନ୍ଦାବନ ନାୟକ( ଆଠଗଡ଼ ପାଟଣା), ଶ୍ରୀ ତ୍ରିନାଥ ଦାଶ (ଫାସି), ଶ୍ରୀ ଶିବ ପ୍ରସାଦ ପଟ୍ଟନାୟକ (ମଠସରସିଂହ), ଶ୍ରୀ ନବଘନ ପରିଡ଼ା ( କବିସୂର୍ଯ୍ୟନଗର), ଶ୍ରୀ ଦଣ୍ଡପାଣି ପାତ୍ର (ମର୍ଦ୍ଦକୋଟ), ଶ୍ରୀ ବିପ୍ର ଚରଣ ସାହୁ( ଅଙ୍ଗାରଗାଁ) , ଶ୍ରୀ ରଙ୍କନିଧି ବେହେରା(ଗୁଡ଼ିଆପଲ୍ଲି), ଶ୍ରୀ ରାମହରି ବିଷୋୟୀ ( ଦେଓଗାଁ), ଶ୍ରୀ ପଦ୍ମ ଚରଣ ପ୍ରଧାନ( ଏମ. ନୂଆଁପଲ୍ଲୀ), ଶ୍ରୀ ଗନ୍ତେଇ ସେଠୀ (ଦେଓଗାଁ), ଶ୍ରୀ ନୀଳାଚଳ ମିଶ୍ର( କବିସୂର୍ଯ୍ୟନଗର), ଶ୍ରୀ ଗୋଦାବରୀ ସାଥୁଆ (ଆଠଗଡ଼ ପାଟଣା) ଓ ଦଣ୍ଡପାଣି ମହାପାତ୍ର ପ୍ରମୁଖଙ୍କୁ ଗୁରୁ ପୂଜନ କର୍ଯ୍ୟକ୍ରମରେ ସାମିଲ କରି ପ୍ରମୋଦ ପଣ୍ଡାଙ୍କ ସହ ତାଙ୍କ ଯୁବ ସାଥୀମାନେ ଅତି ଉତ୍ସାହର ସହିତ ଏହା ସମ୍ପାଦନ କରିଥିଲେ ।
