ନିୟନ୍ତ୍ରଣ ହରାଇ ଖାଇକୁ ଖସିଲା ଯାତ୍ରୀବାହୀ ବସ୍ , ଜାରି ରହିଛି ଉଦ୍ଧାର କାର୍ଯ୍ୟ ..
1 min read
ଉତରାଖଣ୍ଡ : ରବିବାର ମର୍ମନ୍ତୁଦ ସଡକ ଦୁର୍ଘଟଣା । ଖାଇକୁ ଖସିଲା ଯାତ୍ରୀବାହୀ ବସ୍, ଉଦ୍ଧାର କାର୍ଯ୍ୟ ଜାରି । ଉତରାଖଣ୍ଡ ମସୁରୀ-ଡେରାଡୁନ ମୁଖ୍ୟ ମାର୍ଗରେ ରବିବାର ଏକ ବସ୍ ସନ୍ତୁଳନ ହରାଇ ଖାଇକୁ ଖସିପଡିଛି । ଦୁର୍ଘଟଣା ସୂଚନା ମିଳିବାମାତ୍ରେ ପ୍ରଶାସନ, ପୋଲିସ, ଆଇଟିବିପି, ଦମକଳ ବିଭାଗ ଓ ୧୦୮ ଆମ୍ବୁଲାନ୍ସ ଘଟଣା ସ୍ଥଳରେ ପହଂଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି ।
ବସ୍ରେ ଯାତ୍ରା କରୁଥିବା ଆହତ ଯାତ୍ରୀଙ୍କୁ ଉଦ୍ଧାର କରି ଲଣ୍ଢୌର ଉପଜିଲ୍ଲା ଚିକିତ୍ସାଳୟ ପଠାଯାଉଛି । ସୂଚନା ଅନୁସାରେ ବସ୍ଟି ଡେରାଡୁନ ଯାଉଥିଲା । ଜାତୀୟ ରାଜମାର୍ଗର ଆଇଟିବିପି ନିକଟରେ ଥିବା ମୋଡରେ ବସ୍ଟି ନିୟନ୍ତ୍ରଣ ହରାଇ ଖାଇକୁ ଖସି ପଡିଛି । ସୂଚନା ପାଇବାମାତ୍ରେ ମସୁରୀ ଥାନା, ଆଇଟିବିପି ଓ ଅନ୍ୟ ଉଦ୍ଧାରକାରୀ ଦଳ ଦୁର୍ଘଟଣାସ୍ଥଳରେ ପହଂଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ବସ୍ରେ ଯାତ୍ରା କରୁଥିବା ଲୋକଙ୍କ ସମ୍ପର୍କରେ ବିସ୍ତୃତ ସୂଚନା ଏପର୍ଯ୍ୟନ୍ତ ମିଳି ନାହିଁ । ଉଦ୍ଧାର କାର୍ଯ୍ୟ ଏବେବି ଜାରି ରହିଛି ।
Advertisement
