ଆଜି ସେହି ମନ୍ଦିରରେ ବିବାହ ପାଇଁ ଲାଗୁଛି ବନକନ୍ୟାଙ୍କ ଭିଡ ଯେଉଁଠି ଦିନେ ଶିବ ପାର୍ବତୀ ନେଇଥିଲେ ସାତ ଫେରା..
1 min read
ଦେବଭୂମି ଉତ୍ତରାଖଣ୍ଡରେ ଋଷିକେଶ ଏବଂ ହରିଦ୍ୱାର ଭଳି ଅନେକ ସ୍ଥାନ ରହିଛି । ଦେଶର କୋଣ ଅନୁକୋଣରୁ ଲୋକମାନେ ଏଠାକୁ ପରିଦର୍ଶନ କରିବାକୁ ଆସନ୍ତି । ଏଠାରେ ଥିବା ବଦ୍ରିନାଥ ଏବଂ କେଦାରନାଥ ପରି ବଡ଼ ମନ୍ଦିର ଅଛି । କିନ୍ତୁ ଉତ୍ତରାଖଣ୍ଡରେ ମଧ୍ୟ ଏକ ମନ୍ଦିର ଅଛି ଯେଉଁଠାରେ ଲୋକମାନେ ବିଶେଷ ଭାବରେ ବିବାହ କରିବାକୁ ଆସନ୍ତି । ଏହି ମନ୍ଦିରର ନାମ ତ୍ରିଯୁଗୀ ନାରାୟଣ ମନ୍ଦିର, ଯାହା ଶିବ-ପାର୍ବତୀଙ୍କ ବିବାହ ସ୍ଥାନ ଭାବରେ ବେଶ ଜଣାଶୁଣା । ଏହି ମନ୍ଦିର ଉତ୍ତରପ୍ରଦେଶର ରୁଦ୍ରପ୍ରୟାଗ ଜିଲ୍ଲାରେ ଏହି ମନ୍ଦିର ରହିଛି । ସ୍ଥାନୀୟ ଲୋକମାନେ ଏହାକୁ ତ୍ରିଯୁଗୀ ନାରାୟଣ ବୋଲି କହନ୍ତି । ବର୍ଷ ବର୍ଷ ଧରି ଏହି ମନ୍ଦିରରେ ଅଗ୍ପିକୁଣ୍ଡ ଜଳୁଛି ଯେଉଁଥିପାଇଁ ଏହାକୁ ଅଖଣ୍ଡ ଧୁନି ମନ୍ଦିର ମଧ୍ୟ କୁହାଯାଏ ।
ସରସ୍ୱତୀ କୁଣ୍ଡ, ରୁଦ୍ର କୁଣ୍ଡ, ବିଷ୍ଣୁ କୁଣ୍ଡ ଏବଂ ବ୍ରହ୍ମା କୁଣ୍ଡ ମନ୍ଦିର ପ୍ରାଙ୍ଗଣରେ ରହିଛି । ତେବେ ବର୍ତ୍ତମାନ ଏହି ମନ୍ଦିର ଲୋକମାନଙ୍କ ପାଇଁ ଡେସଷ୍ଟିନେସନ ୱାଡିଂଗ ସ୍ଥଳରେ ପରିଣତ ହୋଇଛି । ଲୋକମାନେ ବିବାହ କରିବାକୁ ଏଠାକୁ ଆସନ୍ତି । ଏଠାକାର ଲୋକଙ୍କ ବିଶ୍ୱାସ ରହିଛି ଯେ ଭଗବାନ ବିଷ୍ଣୁ ଏଠାରେ ଶିବ ଏବଂ ପାର୍ବତୀଙ୍କୁ ବିବାହ କରିଥିଲେ । ଏହି ସ୍ଥାନଟି ଶିବ-ପାର୍ବତୀ ବିବାହ ସ୍ଥାନ ଭାବରେ ଅଧିକ ଲୋକପ୍ରିୟ ଅଟେ ।
ବର୍ଷ ବର୍ଷ ଧରି ଜଳୁଥିବା ଅଗ୍ନିକୁଣ୍ଡ ବିଷୟରେ କୁହାଯାଉଛି ଯେ ଶିବ ଏବଂ ପାର୍ବତୀ ସେହି ନିଆଁରେ ସାତ ଫେରା ନେଇଥିଲେ । ଆଜି ବି ତାଙ୍କ ବେଦୀ କୁଣ୍ଡ ନିଆଁ ଧୁନି ରୂପରେ ଜୀବନ୍ତ ରହିଛି । ବିବାହ ପାଇଁ ଆସିଥିବା ଅନ୍ୟ ଦେବତା ଏବଂ ଦେବୀମାନେ ଏଠାରେ ଗାଧୋଇଥିଲେ । ମନ୍ଦିରକୁ ଆସୁଥିବା ଭକ୍ତମାନେ ଏଠାରେ କାଠ ଅର୍ପଣ କରନ୍ତି । ଯିବାବେଳେ ଅଖଣ୍ଡ ଧୁନିଙ୍କ ପାଉଁଶକୁ ମନ୍ଦିରରୁ ପ୍ରସାଦ ଭାବରେ ଘରକୁ ନିଆଯାଏ ।
