ଟନେଲ ଭିତରେ ଜଣେ ଭାଇ ଫସି ରହିଥିବା ବେଳେ ସଡ଼କ ଦୁର୍ଘଟଣାରେ ଚାଲିଗଲେ ଆଉ ଦୁଇଭାଇ…
1 min read
ପରିବାର ଉପରେ ଛିଡି ପଡିଲା ଦୁଃଖର ପାହାଡ । ଗୋଟିଏ ପଟେ ଟନେଲ ଭିତରେ ଜଣେ ଭାଇ ଫସି ରହିଥିବା ବେଳେ ସେପଟେ ସଡକ ଦୁର୍ଘଟଣାରେ ଚାଲିଗଲେ ଆଉ ଦୁଇଭାଇ । ହଁ ଆଜ୍ଞା ଆଜକୁ ୧୦ଦିନ ହେବ ଉତ୍ତରକାଶି ଟନେଲ ଫସିଥିବା ଶମ୍ରିକ ମାନଙ୍କ ମଧ୍ୟରୁ ଜଣେ ଭାଇ ଜୀବନ ମରଣ ସହ ସଂଘର୍ଷ କରୁଥିବା ନେଇ ପରିବାର ଲୋକେ ଚିନ୍ତାରେ ଥିବା ବେଳେ ସେପଟେ ଆଉ ଦୁଇ ଭାଇଙ୍କ ମୃତ୍ୟୁକୁ ନେଇ ଭାଙ୍ଗି ପଡିଛନ୍ତି ପରିବାର । ତେବେ ଉତ୍ତରାଖଣ୍ଡ ରାଜ୍ୟର ରାମଗଡ ଜିଲ୍ଲାର ଛତୁପାଲୁ ଉପତ୍ୟକାରେ ମଙ୍ଗଳବାର ଏକ ସଡ଼କ ଦୁର୍ଘଟଣାରେ ତିନି ଜଣଙ୍କର ମୃତ୍ୟୁ ହୋଇଛି । ଉପତ୍ୟକାରେ ଟ୍ରେଲର, ଟ୍ରାକ୍ଟର, ୱାଗନ୍ ଆର କାର ଏବଂ ଇନୋଭା କାର ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ ଟ୍ରେଲର ଡ୍ରାଇଭର ଏବଂ ଦୁଇ ଶ୍ରମିକଙ୍କ ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ଅନ୍ତର୍ଭୁକ୍ତ ଦୁଇଜଣ ଯୁବକ ହେଉଛନ୍ତି ଉତ୍ତରାଖଣ୍ଡ ଟନେଲ ଦୁର୍ଘଟଣାରେ ଫସି ରହିଥିବା ଶ୍ରମିକ ରାଜେନ୍ଦ୍ରଙ୍କ ଭାଇ ଦିନେଶ ଏବଂ ସମ୍ପର୍କୀୟ ଭାଇ ସୁକୁମାର । ମିଳିଥିବା ସୂଚନା ଅନୁଯାୟୀ, ମଙ୍ଗଳବାର ସକାଳେ ଏକ ଦ୍ରୁତ ଗତିରେ ଆସୁଥିବା ଟ୍ରେଲର ଡ୍ରାଇଭର ଗାଡି ଉପରେ ନିୟନ୍ତ୍ରଣ ହରାଇଥିଲା । ଯେଉଁଥିପାଇଁ ଏହା ତିନିଟି ଗାଡି ମୁହାଁମୁହିଁ ଧକ୍କା ହୋଇଥିଲା । ପରେ ଟ୍ରେଲର ରାସ୍ତା କଡରେ ଥିବା ଏକ ଗର୍ତ୍ତ ଭିତରକୁ ଯାଇ ଓଲଟି ପଡିଥିଲା । ଏହି ଦୁର୍ଘଟଣାରେ ତିନି ଜଣଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟଜଣେ ଗୁରୁତର ଆହତ ହୋଇଛନ୍ତି ।
