ବର୍ଡର ୨ ଫିଲ୍ମରେ ବରୁଣ କରିବେ ଏଣ୍ଟ୍ରି
1 min read
୨୬ ବର୍ଷ ପରେ ସନୀ ଦେଓଲ ଅଭିନୀତ ବର୍ଡର ଫିଲ୍ମର ସୀକ୍ୱେଲକୁ ନେଇ ଦର୍ଶକଙ୍କ ମନରେ ବେଶ ଉତ୍କଣ୍ଠା ରହିଛି । ସନୀ ପୂନର୍ବାର ବର୍ଡର ୨ରେ ଆର୍ମି ଅଫିସର ଭୂମିକାରେ ଅବତୀର୍ଣ୍ଣ ହେବେ । ଏହି ଚଳଚ୍ଚିତ୍ରକୁ ନେଇ ରବିବାର ଏକ ବଡ଼ ଅପ୍ଡେଟ ସାମ୍ନାକୁ ଆସିଛି। ‘ବର୍ଡର ୨’ ଫିଲ୍ମ ପାଇଁ ଅଭିନେତା ବରୁଣ ଧାୱନ ସାଇନ୍ କରିଛନ୍ତି ବୋଲି ଏକ ରିପୋର୍ଟ ପ୍ରକାଶ କରିଛି।
ବରୁଣଙ୍କ ଉପସ୍ଥିତି ଯୁବ ପିଢ଼ୀଙ୍କୂ ଫିଲ୍ମ ପ୍ରତି ଆକୃଷ୍ଟ କରିବ ବୋଲି ଆଶା କରାଯାଉଛି । ବରୁଣଙ୍କ ପାଇଁ ଏହା ଏକ ସ୍ମରଣୀୟ ଭୂମିକା ହେବ ବୋଲି ଅନୁମାନ କରାଯାଉଛି । ତେବେ ବର୍ତ୍ତମାନ ସୁଦ୍ଧା ପ୍ରଡକ୍ସନ ହାଉସ ପକ୍ଷରୁ ଏ ନେଇ ବିଧିବଦ୍ଧ ଭାବେ କୌଣସି ବୟାନ ଜାରୀ କରାଯାଇ ନାହିଁ । ପୂର୍ବରୁ ଅଭିନେତା ଆୟୁଷ୍ମାନ୍ ଖୁରାନା ମଧ୍ୟ ଏହି ଫିଲ୍ମରେ ଅଭିନୟ କରିବେ ବୋଲି ରିପୋର୍ଟ ପ୍ରକାଶ ପାଇଥିଲା। ଏହାସହ ‘ବର୍ଡର ୨’ରେ ସନ୍ନିଙ୍କ ସହ ଆୟୁଷ୍ମାନ ଓ ବରୁଣଙ୍କୁ ଏକାଠି ଦେଖିବାକୁ ମିଳିବ ବୋଲି ସ୍ପଷ୍ଟ ହୋଇଛି।
ଅନୁରାଗ ସିଂଙ୍କ ନିର୍ଦ୍ଦେଶିତ ଏବଂ ଜେ.ପି. ଦତ୍ତା, ନିଧି ଦତ୍ତା ଓ ଭୂଷଣ କୁମାରଙ୍କ ଦ୍ୱାରା ପ୍ରଯୋଜିତ ଏହି ଫିଲ୍ମର ଶୁଟିଂ ଚଳିତ ନଭେମ୍ବରରୁ ଆରମ୍ଭ ହେବ ବୋଲି ଅନୁମାନ କରାଯାଉଛି। ୨୦୨୬ରେ ଏହା ରିଲିଜ ହେବ ବୋଲି ସ୍ଥିର କରାଯାଇଛି ।
