ସୋସିଆଲ ମିଡିଆ ବଦଳାଇଦେଲା ଭାଗ୍ୟ : ଚର୍ଚ୍ଚାରେ ବିହାର ପୁଅ ଅମରଜିତ୍ , ଭେଟିଲେ ସୋନୁ ସୁଦଙ୍କୁ , ଗାଇବେ ବଲିଉଡ୍ ଗୀତ ..
1 min read
ମୁମ୍ବାଇ : ସୋସିଆଲ ମିଡିଆ ଯୋଗୁଁ ବଦଳିଲା ଭାଗ୍ୟ । ସୋନୁ ସୁଦ୍ଙ୍କୁ ଭେଟିଲେ ବିହାରର ଭାଇରାଲ ସିଙ୍ଗର୍ ଅମରଜିତ । ଗୀତ ଶୁଣି ସୋନୁ ସୁଦ ଦେଇଥିଲେ ବଲିଉଡ୍ରୁ ଅଫର । ବିହାର ସମସ୍ତିପୁରର ଭାଇରାଲ ସିଙ୍ଗର୍ ଅମରଜିତ ଜୟକର ଏବେ ମୁମ୍ବାଇରେ । କାରଣ ବଲିଉଡର ଅନେକ ଅଭିନେତା ତାଙ୍କୁ ମୁମ୍ବାଇ ଆସିବାକୁ ନିମନ୍ତ୍ରଣ କରିଛନ୍ତି । ତେବେ ସେମାନଙ୍କ ଭିତରୁ ଅଭିନେତା ସୋନୁ ସୁଦଙ୍କ ନିମନ୍ତ୍ରଣକୁ ଗ୍ରହଣ କରି ଅମରଜିତ ମୁମ୍ବାଇରେ ପହଂଚିଛନ୍ତି ।
ସୋନୁ ତାଙ୍କର ଆଗାମୀ ଫିଲ୍ମ ‘ଫତେହ’ରେ ଗୀତ ଗାଇବା ପାଇଁ ଅମରଜିତଙ୍କୁ ମୁମ୍ବାଇ ନିମନ୍ତ୍ରଣ କରିଛନ୍ତି । ଅମରଜିତ ଜୟକର ଏକ ଗୀତ ଗାଉଥିବାର ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେବା ପରେ ନୀତୁ ଚନ୍ଦ୍ର, ସୋନୁ ନିଗମ ଏବଂ ସୋନୁ ସୁଦ ଭଳି ତାରକାମାନେ ସେମାନଙ୍କ ସୋସିଆଲ ମିଡିଆ ଆକାଉଂଟରେ ଏହାକୁ ସେୟାର କରିଥିଲେ । ଜୟକରଙ୍କ ପ୍ରତିଭାକୁ ଅନେକ ପ୍ରଶଂସା ବି କରିଥିଲେ । ଏହି ସମୟରେ ସୋନୁ ସୁଦ ତାଙ୍କ ଫିଲ୍ମ ‘ଫତେହ’ରେ ଗୀତ ଗାଇବାକୁ ଅଫର ଦେଇଥିଲେ ।
ମୁମ୍ବାଇରେ ପହଚିବା ପରେ ସୋନୁ ସୁଦଙ୍କୁ ଭେଟିଛନ୍ତି ଅମରଜିତ୍ ଓ ତାଙ୍କ ସହ ଏକ ଫଟୋ ମଧ୍ୟ ସେୟାର କରିଛନ୍ତି । ସୋସିଆଲ ମିଡିଆରେ ଗୀତ ଭାଇରାଲ ହେବା ପରେ ଅମରଜିତ ଷ୍ଟାର ହୋଇଛନ୍ତି । ଗାୟକ ଅମରଜିତ୍ ଜୟକର ଅନେକ ଗୀତ ଗାଇଛନ୍ତି ଯାହାକୁ ସେ ନିଜ ଇନଷ୍ଟାଗ୍ରାମ ଆକାଉଂଟ, ଟ୍ୱିଟର ଇତ୍ୟାଦିରେ ପୋଷ୍ଟ କରିଛନ୍ତି । ତାଙ୍କର ଅନେକ ଭିଡିଓ ଏବେ ଭାଇରାଲ ହୋଇଛି ।
