ଏ ଯୁଗର ବିକ୍ରମ ବେତାଳ : କୁମ୍ଭୀରକୁ ପିଠିରେ ପକାଇ ଚାଲୁଛି କୁନି ବାଳକ …..
1 min read
ନୂଆଦିଲ୍ଲୀ : ଦୁନିଆରେ ଅନେକ ପ୍ରାଣୀ ଅଛନ୍ତି । ଯାହା ପାଖକୁ ଯିବାକୁ ମଧ୍ୟ ଲୋକଙ୍କ ଭୟ ଲାଗିଥାଏ । କାରଣ ତାଙ୍କର ରୂପ ଅତ୍ୟନ୍ତ ଭୟଙ୍କର । ଯେତେବେଳେ ସେମାନେ ସାମ୍ନାକୁ ଆସନ୍ତି, ଭୟରେ ମଣିଷର ଅବସ୍ଥା ଖରାପ ହୋଇଯାଏ । ଏହି ଭୟଙ୍କର ଜୀବମାନଙ୍କ ମଧ୍ୟରୁ କୁମ୍ଭୀର ଅନ୍ୟତମ । ଯେତେ ସାହସୀ ଲୋକଟିଏ ହୋଇ ଥାଉନା କାହିଁକି କୁମ୍ଭୀର ଦେଖିଲେ ଭୟରେ ଦେହ ଥରି ଉଠିବ ନିଶ୍ଚିତ । କିନ୍ତୁ ସୋସିଆଲ ମିଡିଆରେ ଏମିତି ଏକ ଚିତ୍ର ଭାଇରାଲ ହେଉଛି, ଯାହା ଦେଖିଲେ ଆପଣଙ୍କ ପାଦତଳୁ ମାଟି ଖସିଯିବ । ଆପଣ ନିଶ୍ଚିତ ଭାବରେ ବିକ୍ରମ ବେତାଳ ଶୋ’ ଦେଖିଥିବେ ।
ଏଥିରେ ଏକ ଭୂତ ରାଜାଙ୍କ ପିଠିରେ ଲାଉ ହୋଇ ତାଙ୍କୁ କାହାଣୀ କହୁଥାଏ । ଭାଇରାଲ ଚିତ୍ରରେ ଜଣେ କୁନି ବାଳକ ତା’ ପିଠିରେ ଏକ କୁମ୍ଭୀରକୁ ପକାଇ ଦୌଡୁଛି । ଚିତ୍ରଟି ଏକ ଟୁଇଟର ପେଜ୍ରେ ଶେୟାର ହୋଇଛି । ଯେଉଁଥିରେ ଶିଶୁର ସାହସିକତା ପ୍ରଶଂସନୀୟ । ପିଲାଟି ଶର୍ଟ ପିନ୍ଧି ନାହିଁ । ନିଜ ଉଚ୍ଚତାର ଏକ କୁମ୍ଭୀରକୁ ପିଠିରେ ପକାଇ ବେଶ୍ ଆରାମରେ ଚାଲୁଥିବା ଦେଖିବାକୁ ମିଳିଛି । କୁମ୍ଭୀରର ଆଗ ଗୋଡକୁ ହାତରେ ଧରିଛି ଏବଂ ଲାଞ୍ଜ ପଛରେ ଝୁଲୁଥିବା ଦେଖିବାକୁ ମିଳିଛି । କୁମ୍ଭୀରଟି ଶିଶୁ ପରି ଦେଖାଯାଉଛି, ଏତେ ବଡ ଜୀବ ମଧ୍ୟ ମଣିଷ ଉପରେ ଆକ୍ରମଣ କରି ଆଘାତ ଦେଇପାରେ ।
ଚିତ୍ରଟି ହଜାର ହଜାର ଲୋକ ଦେଖିଥିବା ବେଳେ ଅନେକ ୟୁଜର ଭିନ୍ନଭିନ୍ନ ମନ୍ତବ୍ୟ ଦେଇଛନ୍ତି । ଜଣେ ୟୁଜର କହିଛନ୍ତି, କୁମ୍ଭୀରଟି ଅଧିକ କଥା ହେବାକୁ ଚେଷ୍ଟା କରୁଛି ଏବଂ ପିଲାଟି ଜବରଦସ୍ତ ଘରକୁ ନେଇଯାଉଛି । ଆଉ ଜଣେ କହିଛନ୍ତି ଯେ କୁମ୍ଭୀରଟି ପାଣିରେ ବୁଡ଼ି ଯାଇଛି ଏବଂ ପିଲାଟି ଡାକ୍ତରଖାନାକୁ ନେଉଛି ।
