ବିରାଟଙ୍କ ଜନ୍ମଦିନରେ ଅନୁଷ୍କା ସେୟାର କଲେ ପୁଅ ଅକାୟଙ୍କ ଫଟୋ..
1 min read
ଭାରତୀୟ ଦଳର ପୂର୍ବତନ ଅଧିନାୟକ ବିରାଟ କୋହଲି ଆଜି ତାଙ୍କର ୩୬ ତମ ଜନ୍ମଦିନ ପାଳନ କରୁଛନ୍ତି ଅର୍ଥାତ୍ ୫ ନଭେମ୍ବରରେ । ବିରାଟଙ୍କ ଜନ୍ମଦିନ ତାଙ୍କ ପ୍ରଶଂସକ ଏବଂ ପରିବାର ପାଇଁ ପ୍ରତିବର୍ଷ ଏକ ବିଶେଷ ଦିନ । ଏହି ଦିନ ସେମାନେ ଅନେକ ଶୁଭେଚ୍ଛା ଗ୍ରହଣ କରନ୍ତି । ତାଙ୍କ ପ୍ରଶଂସକମାନେ ସୋସିଆଲ ମିଡିଆରେ ତାଙ୍କ ପ୍ରତି ସ୍ନେହ ବ୍ୟକ୍ତ କରିଛନ୍ତି । ବିରାଟ କୋହଲି ସକାଳୁ ସୋସିଆଲ ମିଡିଆରେ ଟ୍ରେଣ୍ଡ କରୁଛନ୍ତି। ତେବେ ସମସ୍ତେ ଅନୁଷ୍କା ଶର୍ମାଙ୍କ ପୋଷ୍ଟକୁ ଅପେକ୍ଷା କରି ରହିଥିଲେ। ବର୍ତ୍ତମାନ ପ୍ରଶଂସକଙ୍କ ଅପେକ୍ଷା ଶେଷ ହୋଇଛି। ସ୍ୱାମୀଙ୍କ ଜନ୍ମଦିନର ବିଶେଷ ଅବସରରେ ଅନୁଷ୍କା କେବଳ ବିରାଟଙ୍କ ମନକୁ ଖୁସି କରିନାହାଁନ୍ତି ବରଂ ତାଙ୍କ ପ୍ରଶଂସକମାନଙ୍କୁ ଏକ ବିଶେଷ ଉପହାର ମଧ୍ୟ ଦେଇଥିଲେ। ବର୍ତ୍ତମାନ ଅନୁଷ୍କା ଶର୍ମା ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରୁ ଏକ ସ୍ପେସାଲ ପୋଷ୍ଟ ସେୟାର କରିଛନ୍ତି।
View this post on InstagramAdvertisement
ଏହି ପୋଷ୍ଟରେ ଅଭିନେତ୍ରୀ ପ୍ରଥମ ଥର ପାଇଁ ତାଙ୍କ ପୁଅ ଅକାୟଙ୍କ ଫଟୋ ସେୟାର କରିଛନ୍ତି। ବିରାଟଙ୍କ ଜନ୍ମଦିନରେ ଅନୁଷ୍କା ଶର୍ମାଙ୍କ ଦ୍ୱାରା ପୋଷ୍ଟ କରାଯାଇଥିବା ପୋଷ୍ଟ କିଛି ମିନିଟ ମଧ୍ୟରେ ଭାଇରାଲ ହେବାରେ ଲାଗିଛି। ଏହାର ଦୁଇଟି କାରଣ ରହିଛି, ଗୋଟିଏ ହେଉଛି ପ୍ରଶଂସକମାନେ କୋହୋଲିଙ୍କ ଜନ୍ମଦିନରେ ତାଙ୍କ ଲେଡି ଲଭ୍ ପୋଷ୍ଟକୁ ଅପେକ୍ଷା କରିଥିବା ବେଳେ ସକାଳୁ ଅନୁଷ୍କାଙ୍କ ଇନଷ୍ଟାଗ୍ରାମ ଉପରେ ନଜର ରଖିଥିଲେ ଏବଂ ଦ୍ୱିତୀୟ କାରଣ ହେଉଛି ପ୍ରଶଂସକମାନେ ଏହି ପୋଷ୍ଟରେ କିଛି ଦେଖିଥିଲେ ଯାହା ସେମାନେ କେବେ ଆଶା କରିନଥିଲେ। ସମସ୍ତେ ଭାବୁଥିଲେ ଅନୁଷ୍କା ନିଜ ଏବଂ ବିରାଟଙ୍କ କିଛି ରୋମାଣ୍ଟିକ୍ ଫଟୋ ଏବଂ ଭିଡିଓ ସେୟାର କରିବେ। ମାତ୍ର ଅନୁଷ୍କା ଝିଅ ବିରୁଷ୍କା ଓ ପୁଅ ଅକାୟାଙ୍କ ସହ ବିରାଟଙ୍କ ଫଟୋ ସେୟାର କରି ସମସ୍ତଙ୍କୁ ସରପ୍ରାଇଜ୍ କରିଛନ୍ତି।
