ଅନିଦ୍ଧିଷ୍ଟକାଳ ପାଇଁ ଖେଳିବେନି ଦିନିକିଆ ଓ ଟି-୨୦, ଏନେଇ ବିସିସିଆଇଙ୍କୁ ଜଣାଇଲେ ବିରାଟ..
1 min readଦିନିକିଆ ବିଶ୍ୱକପରେ ଟିମ୍ ଇଣ୍ଡିଆ ଚମତ୍କାର ପ୍ରଦର୍ଶନ କରିଥିଲା, କିନ୍ତୁ ଫାଇନାଲରେ ଭାଗ୍ୟ ସେମାନଙ୍କୁ ବିଶ୍ୱାସଘାତକତା କରିଦେଲା । ତେବେ ବିଶ୍ୱକପ ପରେ ବର୍ତ୍ତମାନ ଅଷ୍ଟ୍ରେଲିଆ ବିପକ୍ଷରେ ଟି -୨୦ ସିରିଜ୍ ଚାଲିଥିଲେ ସୁଦ୍ଧା ଦଳର ପ୍ରକୃତ ପରୀକ୍ଷା ଦକ୍ଷିଣ ଆଫ୍ରିକା ଗସ୍ତରୁ ଆରମ୍ଭ ହେବ । ଦକ୍ଷିଣ ଆଫ୍ରିକା ବିପକ୍ଷ ସିରିଜ୍ ଡିସେମ୍ବର ୧୦ ରୁ ଆରମ୍ଭ ହେବ, ଯେଉଁଥି ପାଇଁ ଗୁରୁବାର ଦିନ ଦଳ ଘୋଷଣା କରାଯିବ ।ତେବେ ଏକ ସନ୍ଦେହ ଏବେବି ରହିଛି କି ଅଧିନାୟକ ରୋହିତ ଶର୍ମା ଏହି ସିରିଜରେ ସମସ୍ତ ତିନୋଟି ଫର୍ମାଟରେ ଉପଲବ୍ଧ ହେବେ କି ନାହିଁ? ବିରାଟ କୋହଲି ପୂର୍ବରୁ ଧଳା ବଲ ଫର୍ମାଟରୁ ନିଜକୁ ଦୂରେଇ ରଖିଛନ୍ତି ତେଣୁ ରୋହିତ ଶର୍ମା ଏହି ମ୍ୟାଚ ଖେଳିବେ ବୋଲି ସମସ୍ତେ ଆଶା ରଖିଛନ୍ତି ।
ଆଗାମୀ ମ୍ୟାଚ କଥା କହିବାକୁ ଗଲେ ଟିମ୍ ଇଣ୍ଡିଆକୁ ୩ ଟି -୨୦, ୩ ଟି ଦିନିକିଆ ଏବଂ ଦୁଇଟି ଟେଷ୍ଟ ମ୍ୟାଚ୍ ଖେଳିବାକୁ ପଡିବ । ଗୁରୁବାର ଦିନ ବିସିସିଆଇ ପକ୍ଷରୁ ପୁରସ୍କାର ରାଶି ଘୋଷଣା କରାଯାଇପାରିବ ବୋଲି ଆଶା କରାଯାଉଛି । ମିଳିଥିବା ସୂଚନା ମୁତାବକ ବିଶ୍ୱକପ ପରେ ବରିଷ୍ଠ ଖେଳାଳିମାନେ ବିଶ୍ରାମ ନେଉଥିବାବେଳେ ବାକି ଦଳ ଅଷ୍ଟ୍ରେଲିଆ ବିପକ୍ଷରେ ସିରିଜ୍ ଖେଳୁଛନ୍ତି । ଦକ୍ଷିଣ ଆଫ୍ରିକା ଗସ୍ତ ଗୁରୁତ୍ୱପୂର୍ଣ୍ଣ ଏବଂ ବଡ ହୋଇଥିବାରୁ ଟିମ୍ ଇଣ୍ଡିଆ ଏହାର ସମ୍ପୂର୍ଣ୍ଣ ଶକ୍ତି ଏଠାରେ ପଠାଇବାକୁ ପ୍ରସ୍ତୁତ ହେଉଛି । ଯେହେତୁ ବିରାଟ କୋହଲି ପୂର୍ବରୁ ସୂଚିତ କରିଛନ୍ତି ଯେ ସେ ଏହି ଟୁର୍ ରେ କେବଳ ଟେଷ୍ଟ ସିରିଜ୍ ପାଇଁ ଉପଲବ୍ଧ ହେବେ, ତେଣୁ ଅନ୍ୟ କିଛି ଖେଳାଳିଙ୍କୁ ସୁଯୋଗ ମିଳିବା ନେଇ ସମ୍ଭାବନା ରହିଛି । କୋହଲି ଦକ୍ଷିଣ ଆଫ୍ରିକା ଏବଂ ଆଫଗାନିସ୍ତାନ ବିପକ୍ଷ ହେବାକୁ ସିରିଜରେ ସାମିଲ ହେବେ ନାହିଁ । ଭାରତ ଡିସେମ୍ବର ୧୦ରୁ ଜାନୁଆରୀ ୭ ଭିତରେ ଦକ୍ଷିଣ ଆଫ୍ରିକା ଗସ୍ତ କରି ସେଠାରେ ମ୍ୟାଚ ଖେଳିବ । କୋହଲିଙ୍କ ବିଶ୍ରାମ ନେବା ନେଇ ଆଶା କରାଯାଉଛି ଯେ ସେ କେବଳ ଟେଷ୍ଟ କ୍ରିକେଟ ଉପରେ ଧ୍ୟାନ ଦେବାକୁ ନିଷ୍ପତ୍ତି ନେଇଛନ୍ତି ।