ଆଇପିଏଲ ୨୦୨୫: ବିରାଟ ହେବେ ଆରସିବିର ଅଧିନାୟକ !
1 min read
ଆଗକୁ ଆସୁଛି ଆଇପିଏଲ ୨୦୨୫ । ଯାହାକୁ ନେଇ ଏବେ ଆରମ୍ଭ ହୋଇଗଲାଣି ଚର୍ଚ୍ଚା । ତେବେ ବର୍ତ୍ତମାନ ବିରାଟ ପୁଣି ଅଧିନାୟକ ହେବା ଖବର ଚର୍ଚ୍ଚାର ଶିରୋନାମା ପାଲଟିଛି । ତାଙ୍କ ନାଁରେ ଅନେକ ରେକର୍ଡ ରହିଛି । ପଲ୍ଲୀଠୁ ଦିଲ୍ଲୀ ସବୁଠି ତାଙ୍କ ପ୍ରସଂଶକ ରହିଛନ୍ତି । ତେବେ ବର୍ତ୍ତମାନ ସମୟରେ ତାଙ୍କୁ ନେଇ ଆସିଛି ଏକ ବଡ଼ ଖବର । ୨୦୨୫ରେ ଆରସିବିର ଅଧିନାୟକ ଭାବେ ରିଟର୍ଣ୍ଣ କରିବାକୁ ଯାଉଛନ୍ତି ବିରାଟ କୋହଲି ।
ଯାହାକୁ ନେଇ ଜାତୀୟ ଗଣମାଧ୍ୟମରେ ବେଶ୍ ଚର୍ଚ୍ଚା ହେଉଛି । ବିରାଟ କୋହଲି । ଭାରତୀୟ କ୍ରିକେଟ ଟିମର ଜଣେ ସଫଳ କ୍ରିକେଟର । କୋହଲିଙ୍କୁ ୨୦୧୩ ମସିହାରେ ଆରସିବିର ନେତୃତ୍ବ ମିଳିଥିଲା । ସେବେଠାରୁ ୯ଟି ସଂସ୍କରଣରେ RCBର ସେ ଅଧିନାୟକ ରହିଥିଲେ । କିନ୍ତୁ ୨୦୨୧ ସିଜିନ ପରେ ସେ ଅଧିନାୟକ ପଦରୁ ଇସ୍ତଫା ଦେଇଥିଲେ ।ଗତ ୩ଟି ସଂସ୍କରଣ ରେ ବିରାଟଙ୍କ ସ୍ଥାନରେ ଫାପ୍ ଡୁପ୍ଲେସି RCBର ଅଧିନାୟକ ଦାୟିତ୍ବ ତୁଲାଇଥିଲେ । କୋହଲିଙ୍କ ନେତୃତ୍ବରେ RCB ଥରେ ମାତ୍ର IPLର ଫାଇନାଲକୁ ପହଞ୍ଚିଛି । କୋହଲି ଏନେଇ ସିଧାସଳଖ ମୁହଁ ଖୋଲିନାହାନ୍ତି, କିନ୍ତୁ ୨୦୨୫ରେ ଆରସିବିର ଅଧିନାୟକ ଭାବେ ରିଟର୍ଣ୍ଣ କରିବାକୁ ଯାଉଥିବା ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଛି ।
