ରାମ ମନ୍ଦିରରେ କେଉଁ ମୂର୍ତ୍ତି ପାଇବ ପୂଜା, ଆଜି ହେବ ଭୋଟିଂ…
1 min read
ବହୁ ଚର୍ଚ୍ଚିତ ଅଯୋଧ୍ୟା ରାମ ମନ୍ଦିରରେ ଆସନ୍ତା ମାସର ୨୨ ତାରିଖ ଦିନ ଅନୁଷ୍ଠିତ ହେବାକୁ ଥିବା ପ୍ରାଣପ୍ରତିଷ୍ଠା କାର୍ଯ୍ୟକ୍ରମର ପ୍ରସ୍ତୁତି ଜୋରସୋରରେ ଚାଲିଛି । ରାମ ମନ୍ଦିରରେ ଭଗବାନ ମର୍ଯ୍ୟାଦା ପୁରୁଷ ରାମଚନ୍ଦ୍ରଙ୍କର କେଉଁ ମୂର୍ତ୍ତି ପୂଜା ପାଇବ ସେ ନେଇ ଶୁକ୍ରବାର ମତଦାନ ହେବ । ଫଳରେ ଭଗବାନ ରାମଙ୍କର କେଉଁ ମୂର୍ତ୍ତି ଏଠାରେ ପୂଜା ପାଇବ ତାହାର ପ୍ରତୀକ୍ଷା ଶେଷ ହେବ । ଏହି ପ୍ରତିମୂର୍ତ୍ତିକୁ ଗରବାଲାମରେ ସ୍ଥାପନ କରାଯିବା ପାଇଁ ତିନୋଟି ଡିଜାଇନ୍ କରାଯାଇଥିଲା । ଏହି ପ୍ରସଙ୍ଗରେ ଶୁକ୍ରବାର ଦିନ ମତଦାନ ଅନୁଷ୍ଠିତ ହେବ। ପ୍ରାଣପ୍ରତିଷ୍ଠା କାର୍ଯ୍ୟକ୍ରମ ଥିବାରୁ ମୂର୍ତ୍ତି ଚୟନ ପାଇଁ ଏହି ଗୁରୁତ୍ୱପୂର୍ଣ ନିଷ୍ପତି ପାଇଁ ମତଦାନ କରାଯାଉଛି । ତିନୋଟି ଭିନ୍ନ ମୂର୍ତ୍ତି ଦ୍ୱାରା ନିର୍ମିତ ପ୍ରତିମାଗୁଡ଼ିକୁ ସଭାରେ ରଖାଯିବ ଏବଂ ସଂଖ୍ୟାଗରିଷ୍ଠତା ଦ୍ୱାରା ଭୋଟ୍ ହୋଇଥିବା ପ୍ରତିମାକୁ ଗର୍ଭଗୃହରେ ରଖାଯିବ ।
ସୂଚନା ଅନୁଯାୟୀ ରାମ ମନ୍ଦିର ନିର୍ମାଣ ଓ ପରିଚାଳନା ଦାୟିତ୍ୱରେ ଥିବା ଟ୍ରଷ୍ଟ ଶ୍ରୀ ରାମ ଜନ୍ମଭୂମି ତୀର୍ଥ କ୍ଷେତ୍ରର ବୈଠକରେ ରାମଲାଲାଙ୍କ ପ୍ରତିମୂର୍ତ୍ତିକୁ ନେଇ ମତଦାନ କରାଯିବ । ବିଭିନ୍ନ କାରିଗରଙ୍କ ଦ୍ୱାରା ନିର୍ମିତ ତିନୋଟି ମୂର୍ତ୍ତିର ଡିଜାଇନ୍ ଟେବୁଲ ଉପରେ ରଖାଯିବ । ସର୍ବାଧିକ ଭୋଟ ପାଇଥିବା ପ୍ରତିମା ଜାନୁୟାରୀ ୨୨ ରେ ମନ୍ଦିରର ଅଭିଷେକ ସମୟରେ ସ୍ଥାପନ ହେବ । ଟ୍ରଷ୍ଟ ସଚିବ ଚମ୍ପତ ରାୟ ବୁଧବାର କହିଛନ୍ତି ଯେ ପାଞ୍ଚ ବର୍ଷର ପ୍ରଭୁ ରାମଙ୍କ କୋମଳତାକୁ ପ୍ରତିଫଳିତ କରୁଥିବା ୫୧ ଇଞ୍ଚ ଉଚ୍ଚତା ବିଶିଷ୍ଟ ପ୍ରତିମୂର୍ତ୍ତିକୁ ତିନୋଟି ଡିଜାଇନରୁ ଚୟନ କରାଯିବ । ଏହାରି ମଧ୍ୟରେ ଶୋଭାଯାତ୍ରାର ତାରିଖ ପାଖେଇ ଆସୁଥିବାରୁ ମନ୍ଦିର ଟ୍ରଷ୍ଟର ଅଧ୍ୟକ୍ଷ ନ୍ରିପେନ୍ଦ୍ର ମିଶ୍ର ରାମ ଜନ୍ମଭୁମି ମାର୍ଗ ଏବଂ ମନ୍ଦିର ପ୍ରାଙ୍ଗଣରେ ଚାଲିଥିବା ନିର୍ମାଣ କାର୍ଯ୍ୟକୁ ଯାଞ୍ଚ କରିଛନ୍ତି । ମିଶ୍ର ନିଶ୍ଚିତ କରିଛନ୍ତି ଯେ ନିର୍ମାଣ କେବଳ ତ୍ୱରିତ ନୁହେଁ ବରଂ ଗୁଣବତ୍ତା ଉପରେ ଧ୍ୟାନ ଦିଆଯାଇଛି । ନ୍ଦିରର ନିର୍ମାଣ କାର୍ଯ୍ୟକୁ ତିନୋଟି ପର୍ଯ୍ୟାୟ ବିଭକ୍ତ କରାଯାଇଛି । ପ୍ରଥମ ପର୍ଯ୍ୟାୟ ଡିସେମ୍ବର ୨୦୨୩ ସୁଦ୍ଧା ଶେଷ ହେବ, ଦ୍ୱିତୀୟ ପର୍ଯ୍ୟାୟ ଜାନୁଆରୀରେ ଶେଷ ହେବ, ଯେତେବେଳେ ମନ୍ଦିରର ନିର୍ମାଣ କାର୍ଯ୍ୟ ଶେଷ ହେବ । ସେହିଭଳି ତୃତୀୟ ପର୍ଯ୍ୟାୟ ମନ୍ଦିରର ଜଟିଳ ନିର୍ମାଣ କାର୍ଯ୍ୟ ସାମିଲ ରହିଛି ।
