(ଭିଡିଓ) ଖେଳ ମଝିରେ ରାଗିଲେ ଅମ୍ପାୟାର ଫୋପାଡିଲେ ଜର୍ସି , ଭାଇରାଲ ହେଉଛି ଭିଡିଓ
1 min read
ନୂଆଦିଲ୍ଲୀ : ଅମ୍ପାୟାରଙ୍କ ଗୋଡରେ ବାଜିଲା ବଲ । ରାଗରେ ହାତରେ ଧରିଥିବା ଜର୍ସିଟିକୁ ଫୋପାଡିଦେଲେ । ଯାହାର ଚିତ୍ର ଏବେ ସୋସିଆଲ ମିଡିଆରେ ଭାଇରାଲ ହେଉଛି । ପାକିସ୍ତାନ ଏବଂ ନ୍ୟୁଜିଲାଣ୍ଡ ଦ୍ୱିତୀୟ ମ୍ୟାଚରେ ନ୍ୟୁଜିଲାଣ୍ଡ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତି ନେଇଥିଲା ।
ନ୍ୟୁଜିଲାଣ୍ଡର ବ୍ୟାଟିଂ ସମୟରେ ଏଭଳି ଘଟଣା ସାମ୍ନାକୁ ଆସିଥିଲା ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ । ଏହି ମ୍ୟାଚରେ ଫିଲ୍ଡ ଅମ୍ପାୟାର ଆଲିମ ଦାର ଆହତ ହୋଇଥିଲେ । ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏହି ଇନିଂସ ସମୟରେ ୱାସିମ ଜୁନିଅରଙ୍କ ଦ୍ୱାରା ଫିଙ୍ଗାଯାଇଥିବା ଏକ ବଲ ଅମ୍ପାୟାର ଆଲିମ ଦାରଙ୍କ ଗୋଡରେ ବାଜିଥିଲା । ଥ୍ରୋ ତାଙ୍କ ଗୋଡରେ ଜୋରରେ ବାଜିବାରୁ ସେ ଆହତ ହୋଇଥିଲେ । ସେ ହାତରେ ଧରିଥିବା ଜର୍ସିଟିକୁ ରାଗରେ ଫୋପାଡି ଦେଇଥିଲେ । ବଲ ହିଟ ହେବା ପରେ ୱାସିମ ଜୁନିଅର ଅମ୍ପାୟାରଙ୍କ ନିକଟକୁ ଆସି କ୍ଷମା ମାଗିଥିଲେ । ଏହି ସମୟରେ ଦଳର ଅଧିନାୟକ ବାବର ଆଜାମଙ୍କ ସମେତ କିଛି ଖେଳାଳି ଆଲିମ ଦାର ନିକଟରେ ଠିଆ ହୋଇଥିବା ଦେଖିବାକୁ ମିଳିଥିଲା । ଏହା ପରେ ଡାକ୍ତର ଆସି ତାଙ୍କ ଗୋଡରେ ସ୍ପ୍ରେ ଲଗାଇଥିଲେ ।
