ପୁରୀରୁ ଫେରୁଥିବା ବେଳେ ପୋଲକୁ ଧକ୍କା ଦେଲା କାର୍: ୮ ଗୁରୁତର
1 min read
ଭୁବନେଶ୍ୱର: ବୌଦ୍ଧ ଜିଲ୍ଲା ଦେଇ ଯାଇଥିବା ୫୭ ନମ୍ବର୍ ଜାତୀୟ ରାଜପଥର ବାଉଁଶୁଣି ଥାନା ଅନ୍ତର୍ଗତ ବାଘନଦି ପୋଲ ନିକଟରେ ଆଜି ଭୋର୍ ୫ ଘଣ୍ଟା ସମୟରେ ଏକ ଆର୍,ଟିଗା କାର୍ ଦୁର୍ଘଟଣା ହେବାରୁ ୮ ଜଣ ଯାତ୍ରୀ ଗୁରୁତର ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ସମ୍ବଲପୁର ଓ ବରଗଡ ଅଞ୍ଚଳର ୮ ଜଣ ଯୁବକ ଏକ ଆର୍ଟୀଗା କାର ଯୋଗେ ପୁରୀ ଓ ଭୁବନେଶ୍ବରକୁ ବୁଲିବାକୁ ଯାଇ ଫେରୁଥିବା ସମୟରେ କାର ଟି ବାଉଁଶୁଣି ବାଘନଦୀ ନିକଟ ପୋଲକୁ ଧକ୍କାଦେଇ ଦୁର୍ଘଟଣାଗ୍ରସ୍ତ ହୋଇଥଲା ।
କାରରେ ଥିବା ସମସ୍ତ ଯାତ୍ରୀ ଗୁରୁତର ଆହତ ହୋଇଥିଲେ । ଖବର ପାଇ ୧୦୮ ଆମ୍ବୁଲାନ୍ସ ଓ ବାଉଁଶୁଣି ଦମକଳ ବାହୀନି ଘଟଣାସ୍ଥଳରେ ପହଞ୍ଚି ଗୁରୁତରଙ୍କୁ ଉଦ୍ଧାର କରି ପ୍ରଥମେ ବାଉଁଶୁଣି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ପ୍ରାଥମିକ ଚିକିତ୍ସା ପରେ ସୋନେପୁର ଡାକ୍ତରଖାନାକୁ ସ୍ଥାନାନ୍ତର କରାଯାଇଥିବା ଜଣାପଡିଛି । ଡ୍ରାଇଭର ଆଖିକୁ ନିଦ ଆସିଯିବାରୁ ଦୁର୍ଘଟଣା ଘଟିଥିବା ଜଣାପଡ଼ିଛି ।
Advertisement
