କିଏ ହେବେ ଦିଲ୍ଲୀର ପରବର୍ତ୍ତୀ ମୁଖ୍ୟମନ୍ତ୍ରୀ? ୧୩ ପିଏସି ସଦସ୍ୟ ବାଛିବେ ମୁଖ୍ୟମନ୍ତ୍ରୀ ଙ୍କ ନାମ ..
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଇସ୍ତଫା ଘୋଷଣା ଜାତୀୟ ରାଜଧାନୀରେ ରାଜନୈତିକ ପାଣିପାଗକୁ ଉଷ୍ମ କରିଛି । ଇସ୍ତଫା ଦେବାକୁ ଦୁଇ ଦିନ ସମୟ ନେଇଛନ୍ତି କେଜ୍ରିୱାଲ । ଏଭଳି ପରିସ୍ଥିତିରେ ଦିଲ୍ଲୀର ନୂତନ ମୁଖ୍ୟମନ୍ତ୍ରୀ କିଏ ହେବେ ସେନେଇ ବର୍ତ୍ତମାନ ଚର୍ଚ୍ଚା ଜୋର ଧରିଛି।
ଗୋଟିଏ ପଟେ ଦେଶର ରାଜଧାନୀର ରାଜନୈତିକ କରିଡରରେ ସିଏମ୍ ପ୍ରାର୍ଥୀ ଦୌଡ଼ରେ ଆପ୍ର ପ୍ରାୟ ପାଞ୍ଚଜଣ ବଡ଼ ନେତାଙ୍କ ନାମ ଅଗ୍ରଣୀ ଥିବାବେଳେ ଅନ୍ୟପଟେ ନୂତନ ସିଏମ୍ ନିର୍ବାଚନରେ କେଉଁମାନେ ଭୂମିକା ଗ୍ରହଣ କରିବ ତାହାର ତାଲିକା ମଧ୍ୟ ପ୍ରକାଶ ପାଇଛି। ମିଳିଥିବା ସୂଚନାନୁଯାୟୀ ସିଭିଲ୍ ଲାଇନ୍ସର ସିଏମ୍ ବାସଭବନରେ ସନ୍ଧ୍ୟାରେ ଆପ୍ର ରାଜନୈତିକ ବ୍ୟାପାର କମିଟି (ପିଏସି)ର ବୈଠକ ଅନୁଷ୍ଠିତ ହେବ। ସୂଚନାଯୋଗ୍ୟ, ଏହି ବୈଠକରେ ମୁଖ୍ୟମନ୍ତ୍ରୀ ପାଇଁ ଚୂଡ଼ାନ୍ତ ହୋଇଥିବା ନାମ ଆପ୍ ବିଧାନସଭା ପାର୍ଟି ବୈଠକରେ ଗୋଟିଏ ଦିନ ପରେ ଅର୍ଥାତ୍ ମଙ୍ଗଳବାର (ସେପ୍ଟେମ୍ବର ୧୭)ରେ ଉପସ୍ଥାପନ କରାଯିବ ଏବଂ ତା’ପରେ ନାମ ଘୋଷଣା କରାଯିବ।
ଆପ୍ର ପିଏସି ସଦସ୍ୟଙ୍କ ନାମ ତାଲିକା ପ୍ରକାଶ ପାଇଛି। ସେମାନେ ବିଧାନସଭା ଦଳର ନେତା ବାଛିବାରେ ଏକ ଭୂମିକା ଗ୍ରହଣ କରିବେ। ସେହି ମାନଙ୍କ ମଧ୍ୟରେ ଅରବିନ୍ଦ କେଜ୍ରିୱାଲ , ଭଗୱନ୍ତ ମାନ୍ , ମନୀଷ ସିସୋଡିଆ , ସଞ୍ଜୟ ସିଂ , ସନ୍ଦୀପ ପାଠକ , ଗୋପାଳ ରାୟ , ଆତିଶି ମାର୍ଲେନା , ଏନଡି ଗୁପ୍ତା , ଦୁର୍ଗେଶ ପାଠକ , ପଙ୍କଜ ଗୁପ୍ତା , ରାଘବ ଚଢ଼ା , ଇମ୍ରାନ୍ ହୁସେନ୍ , ରାଖୀ ବିଡଲାନ୍ , ରହିଛନ୍ତି ।
