ଶାହରୁଖଙ୍କ ଅବସର ପରେ କିଏ ହେବ ରୋମାନ୍ସ କିଙ୍ଗ? ଏଭଳି ଢଙ୍ଗରେ ଉତ୍ତର ଦେଲେ ବଲିଉଡ ବାଦଶାହ

ବଲିଉଡର ବାଦଶାହ ଶାହରୁଖ ଖାନ | ସମଗ୍ର ବିଶ୍ୱରେ ରୋମାନ୍ସ କିଙ୍ଗ ଭାବରେ ଜଣାଶୁଣା ଶାହରୁଖ ଖାନ | ବଲିଉଡରେ କେବେ ବାଦଶାହ ତ କେବେ କିଙ୍ଗ ଖାନ ସାଜି ଦର୍ଶକଙ୍କୁ ନିଜ ଅନ୍ଦାଜରେ ମୋହିତ କରିଥିଲେ ରୋମାନ୍ସ କିଙ୍ଗ ଶାହରୁଖ ଖାନ । ତେବେ ବର୍ତ୍ତମାନ ଏକ୍ସରେ ଏକ ଭିଡ଼ିଓ ଭାଇରାଲ ହେବାରେ ଲାଗିଛି | ଯାହା ଏକ ଆୱାର୍ଡ ଶୋ ଅଟେ | ସେହି ଶୋରେ ଶାହରୁଖ ଖାନ ପଚରାଯାଇଥିଲା ଗୋଟେ ପ୍ରଶ୍ନ ଯାହାର ଉତ୍ତର ଏବେ ଖୁବ ଭାଇରାଲ ହେଉଛି |

ସୂଚନା ଅନୁଯାୟୀ, ଏକ୍ସରେ ଏକ ଭିଡ଼ିଓ ଖୁବ ଭାଇରାଲ ହେଉଛି | ତେବେ ଏକ ଆୱାର୍ଡ ସୋ’ରେ ଶାହରୁଖଙ୍କୁ ବଲିଉଡ ପ୍ରଯୋଜକ-ନିର୍ଦ୍ଦେଶକ କରନ ଜୋହର ପ୍ରଶ୍ନ କରିଥିଲେ | ସେ ପଚାରିଥିଲେ ଯେ, ଆପଣଙ୍କୁ କ’ଣ ଲାଗୁଛି, ଆପଣ ଅବସର ନେବା ପରେ କିଏ ବଲିଉଡର ରୋମାନ୍ସ କିଙ୍ଗ ହେବ?

ଏହି ପ୍ରଶ୍ନ ଶୁଣିବା ପରେ କିଛି ସମୟ ପାଇଁ ଚୁପ ହୋଇଯାଇଥିଲେ ଶାହରୁଖ ତା’ ପରେ ଉତ୍ତର କ’ଣ ଦେବେ ଭାବିଥିଲେ | ଏହାପରେ ସେ କହିଥିଲେ, ମୋ ସହ ରୋମାନ୍ସ ବି ଅବସର ନେଇଯିବ | ତାଙ୍କର ଏହି ଉତ୍ତର ଶୁଣିବା ପରେ ସେଠାରେ ଉପସ୍ଥିତ ଥିବା ଲୋକେ ହସିବାକୁ ଲାଗିଥିଲେ |

ପରଦାରେ ରୋମାନ୍ସ କରୁଥିବା ଶାହରୁଖ ରିୟଲ ଲାଇଫରେ ମଧ୍ୟ ରୋମାଣ୍ଟି ବୟ ପରି ଅଟନ୍ତି । କାରଣ ମାତ୍ରା 18 ବର୍ଷ ବୟସରେ ସେ ଗୌରୀଙ୍କ ପ୍ରେମରେ ପାଗଳ ହୋଇଥିଲେ । ମଜାଦାର କଥା ହେଲା ଯେ ସେହି ସମୟରେ ଗୌରୀଙ୍କ ବୟସ ମାତ୍ରା 14 ବର୍ଷ ଥିଲା । ତାଙ୍କ ପ୍ରେମରେ ଦିୱାନା ଥିବା ଶାହରୁଖ ଏକଦା ଦିଲ୍ଲୀରୁ ମୁମ୍ବାଇ ତାଙ୍କ ପଛରେ ଯାତ୍ରା କରିଥିଲେ । ଆଉ ତାଙ୍କ ଲଭ ଦେଖି ଗୌରୀ ମଧ୍ୟ ତାଙ୍କୁ ଭଲ ପାଇଥିଲେ । ସାଥ ଜନ୍ମର ସାଥୀ ସାଜିବା ପାଇଁ ଏହି ଯୋଡି 1991 ଅକ୍ଟୋବର 25ରେ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଏହି ଯୋଡିଙ୍କ ଦୁଇ ପୁଅ ଆର୍ୟନ, ଅବରାମ ଓ ଝିଅ ସୁହାନା ଖାନ ଅଛନ୍ତି ।