ପାର୍ସଲ ଆଣିବାକୁ ଯାଇଥିଲେ ଧକ୍କା ଦେଲା ଲକ୍ଷ୍ମୀ ବସ୍ ; ସ୍ତ୍ରୀ ମୃତ , ସ୍ୱାମୀ ଓ ପୁଅ ଗୁରୁତର ।
1 min read
ଆଠଗଡ ; ପଛ ପଟୁ ଧକ୍କା ଦେଲା ଲକ୍ଷ୍ମୀ ବସ ଅଳ୍ପକେ ବର୍ତିଲେ ସ୍ବାମୀ ଓ କୁନି ଛୁଆ କିନ୍ତୁ ଆଖିବୁଜିଦେଲେ ମହିଳା। ଏଭଳି ଏକ ଦୁଃଖଦ ଖବର ଘଟିଛି କଟକ ଜିଲ୍ଲା ଆଠଗଡ଼ ରେ। ସୂଚନା ଅନୁସାରେ, ଆଠଗଡ଼ ଥାନା ଅନ୍ତର୍ଗତ ଧାଇପୁର ଗାଁର ମାନସ ପ୍ରଧାନ, ତାଙ୍କ ସ୍ତ୍ରୀ କାଜଲ ପ୍ରଧାନ ଓ ଦୁଇ ବର୍ଷର ଛୋଟ ପୁଅ ସନ୍ଧ୍ୟା ସମୟରେ ବସ୍ଷ୍ଟାଣ୍ତକୁ ନିଜ ବାଇକରେ ଆସିଥିଲେ।
ସେଠାରେ ଗୋଟିଏ ବସ୍ ରେ ଆସୁଥିବା ପାର୍ସଲ ନେବାକୁ ସେମାନେ ଅପେକ୍ଷା କରିଥିଲେ। ଏହି ସମୟରେ ବସ୍ଷ୍ଟାଣ୍ତରେ ଗୋଟିଏ ଲକ୍ଷ୍ମୀ ବସ୍ ଚାଳକା ଗାଡ଼ିକୁ ବ୍ୟାକ କରି ଦେବା ବେଳେ ମାନସ ତାଙ୍କ ସ୍ତ୍ରୀ ଓ ଛୁଆକୁ ଗାଡି ତଳେ ଚାପି ଦେଇଥିଲା ବସ୍ । ସେମାନଙ୍କ ବିକଳ ଚିତ୍କାର ଶୁଣି ପାରୁନଥିଲେ ଡ୍ରାଇଭର । ପୂରା ପରିବାରକୁ କିଛି ବାଟ ଘୋଷାଡ଼ି ନେବା ପରେ ଗାଡ଼ିଟି ଅଟକି ଥିଲା।
ସ୍ଥାନୀୟ ଲୋକମାନେ କାଜଲଙ୍କୁ ସଙ୍ଗେ ସଙ୍ଗେ ଆଠଗଡ଼ ଡାକ୍ତରଖାନାରେ ଭର୍ତ୍ତି କରାଇ ଥିଲେ , ହେଲେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ପୁଲିସ୍ ଘଟଣା ସ୍ଥଳରେ ପହଞ୍ଚି ଲକ୍ଷ୍ମୀ ବସ୍କୁ ଆଣି ଘଟଣାର ଅଧିକ ତଦନ୍ତ କରୁଛି।
