୧୬ ରୁ ବଢିବ ଶୀତ , ଜାଡରେ ଥରିବ ଓଡିଶା ।
1 min read
କାର୍ତ୍ତିକ ଯିବାକୁ ବାହାରିଲେବି ଓଡିଶାରେ କୁହୁଡିର ଚାଦର ଏଯାଏଁ ପଡିନାହିଁ । ଶୀତ ଅବା କେଉଁଠୁ ଆସିବ । ଏନେଇ ପାଣିପାଗ ବିଶେଷଜ୍ଞ ସୂଚନା ଦେଇଛନ୍ତି ଯେ ରାଜ୍ୟରେ ୧୬ ତାରିଖରୁ ଶୀତ ଦେଖାଦେଇପାରେ । ରାତିର ତାପମାତ୍ରା କମିବା ସହ ୧୬ ରୁ ଓଡିଶାରେ ଶୀତ ଅନୁଭବ ହେବ ।
ମଙ୍ଗଳବାର ରାଜ୍ୟର ୧୫ ସହରର ତାପମାତ୍ରା ୨୦ଡିଗ୍ରୀ ତଳକୁ ଖସିଥିଲା । ଦାରିଙ୍ଗିବାଡ଼ିରେ ରାତି ତାପମାତ୍ରା ସବୁଠୁ କମ୍ ବା ୧୫.୫ ଡିଗ୍ରୀ ରେକର୍ଡ ହୋଇଛି । ଫୁଲବାଣୀରେ ସର୍ବନିମ୍ନ ତାପମାତ୍ରା ୧୬ଡିଗ୍ରୀ, ଭବାନୀପାଟଣାରେ ୧୭, ଝାରସୁଗୁଡ଼ାରେ ୧୭.୨, ରାଉରକେଲାରେ ୧୭.୩, ନବରଙ୍ଗପୁରରେ ୧୭.୫, କୋରାପୁଟ ଓ ଅନୁଗୁଳରେ ୧୭.୬, ରାୟଗଡ଼ା ଓ କେନ୍ଦୁଝରରେ ୧୮.୬ ଡିଗ୍ରୀ ରହିଥିଲା ।
Advertisement
