୮ ବର୍ଷ ଧରି ଡିପ୍ରେସନରେ ଥିଲେ ମହିଳା ଡାକ୍ତର….ଅଟଳ ସେତୁରୁ ଡେଇଁଲେ ୩ ଦିନ ଧରି ମିଳୁନି ପତ୍ତା
ଅଟଳ ସେତୁରେ ଘଟିଛି ଅଘଟଣ | ଜଣେ ଡାକ୍ତର ମହିଳା କରିଛନ୍ତ୍ତି ଆତ୍ମହତ୍ୟା | ତେବେ ମହାରାଷ୍ଟ୍ରର ଥାନେ ଜିଲ୍ଲାର ମହିଳା ଡାକ୍ତର ଦକ୍ଷିଣ ମୁମ୍ବାଇକୁ ସଂଯୋଗ କରୁଥିବା ଦୀର୍ଘତମ ଶ୍ସମୁଦ୍ରା ସେତୁରୁ ଡେଇଁପଡ଼ିଥିଲେ | ଏହାପରେ ତାଙ୍କର ମୃତଦେହ ଉଦ୍ଧାର କରାଯାଇପାରିନଥିଲା | ଗତ ୩ ଦିନ ହେବ ମିଳୁନି ଡାକ୍ତର ମହିଳାଙ୍କ ମୃତଦେହ | ତେବେ ମହିଳା ଜଣଙ୍କ ହେଲେ ୩୮ ବର୍ଷୀୟା ଡାକ୍ତର କିଞ୍ଜଲ କାନ୍ତିଲାଲ ।
ନାଭି ମୁମ୍ବାଇର ବରିଷ୍ଠ ଇନ୍ସପେକ୍ଟର ରାଜେନ୍ଦ୍ର କୋଟେ କହିଥିଲେ ଯେ, ଆତ୍ମହତ୍ୟା ଘଟଣା ସୋମବାର ଘଟିଥିଲା | ମାର୍ଚ୍ଚ ୧୮ ତାରିଖ ଅପରାହ୍ନରେ ଟ୍ୟାକ୍ସିରେ ଯାତ୍ରା କରୁଥିଲେ | ଅଟଳ ସେତୁରେ ପହଞ୍ଚିବା ପରେ ସେ ଡ୍ରାଇଭରକୁ ଗାଡି ଅଟକ କରିବା ପାଇଁ କହିଥିଲେ | ହେଲେ ଡ୍ରାଇଭର ଜଣକ ଗାଡି ସେତୁରେ ରଖିବାକୁ ନାରାଜ ଥିଲେ | କିନ୍ତୁ ମହିଳାଙ୍କ ଜିଦ ପାଇଁ ରୋକିଥିଲେ | ଗାଡି ଅଟକିବା ପରେ ସେ ଅଟଳ ସେତୁ ଉପରୁ ଡେଇଁପଡ଼ିଥିଲେ |
ପୋଲିସ ସୂଚାନୁସାରେ, ମହିଳା ଡାକ୍ତର ସମୁଦ୍ରକୁ ଡେଇଁବା ପରେ ଟ୍ୟାକ୍ସି ଡ୍ରାଇଭର ତୁରନ୍ତ ପୋଲିସକୁ ସୂଚନା ଦେଇଥିଲେ। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର ପାଇଁ ଅପରେସନ୍ ଆରମ୍ଭ କରିଥିଲା | କିନ୍ତୁ ସଫଳ ହୋଇପାରିଲା ନାହିଁ। ମହିଳାଙ୍କ ପର୍ସରେ ଏକ ଆତ୍ମହତ୍ୟା ନୋଟ ମିଳିଥିଲା। ଆତ୍ମହତ୍ୟାର କାରଣ ଏଥିରେ ଲେଖାଯାଇଛି | ତାଙ୍କ ମୃତ୍ୟୁ ପାଇଁ କାହାକୁ ଦାୟୀ କରାଯିବା ଉଚିତ ନୁହେଁ ବୋଲି ସେ ନୋଟରେ ଲେଖିଛନ୍ତି।
ମହିଳା ଡାକ୍ତର ଏହା ମଧ୍ୟ ଲେଖିଛନ୍ତି ଯେ ସେ ଗତ ୮ ବର୍ଷ ଧରି ଅତ୍ୟଧିକ ଉଦାସ ଥିଲେ। ଉଦାସୀନତା ହେତୁ ସେ ଅଟଳ ବ୍ରିଜରୁ ଡେଇଁ ଜୀବନ ଶେଷ କରିବାକୁ ନିଷ୍ପତ୍ତି ନେଇଥିଲେ। ସେପଟେ, ସେହି ଦିନ ଭବନ୍ଦୀ ବିଭାଗର ଭୋଇଡା ପୋଲିସ ଷ୍ଟେସନର କର୍ମଚାରୀମାନେ ତାଙ୍କ ପିତାଙ୍କ ଅଭିଯୋଗକୁ ଆଧାର କରି ଏକ ନିଖୋଜ ରିପୋର୍ଟ ଦାଖଲ କରିଥିଲେ। ତାଙ୍କ ମୃତ୍ୟୁ ସମ୍ପର୍କରେ ପୋଲିସ ତାଙ୍କ ପରିବାରକୁ ସୂଚନା ଦେଇଛି।