ମହିଳା ଡାକ୍ତରଙ୍କୁ କୁକର୍ମ ପରେ ହତ୍ୟା ; ଆର.ଜି ମେଡିକାଲର ୫ ଡାକ୍ତରଙ୍କୁ ଜେରା କଲା ସିବିଆଇ ।
1 min read
କୋଲକାତାରେ ମହିଳା ଡାକ୍ତରଙ୍କୁ କୁକର୍ମ ପରେ ନିର୍ମମ ହତ୍ୟା ଘଟଣା ଦିନକୁ ଦିନ ଆକ୍ରୋଶ ଆଡକୁ ଗତି କରୁଛି । ଯାହାକୁ ନେଇ ଚିନ୍ତାରେ ପଶ୍ଚିମବଙ୍ଗ ସରକାର ଆଉ ଏନେଇ ସିବିଆଇ ତଦନ୍ତ କରିବାକୁ ନିର୍ଦ୍ଦେଶ ଦିଆଯାଇଛି । ଏନେଇ ଆଜି ସମୃକ୍ତ ମାମଲାରେ ୫ ଜଣ ଡାକ୍ତରଙ୍କୁ ପଚରାଉଚରା କରିଛନ୍ତି ସିବିଆଇ ଅଧିକାରୀ । ଅନ୍ୟପଟେ ସନ୍ଧ୍ୟାରେ ସିବିଆଇଟିମ ହସ୍ପିଟାଲରେ ପହଂଚି ଛାନଭିନ କରିଛନ୍ତି । ସେହିପରି ଘଟଣାସ୍ଥଳରୁ ପ୍ରମାଣ ସଂଗ୍ରହ କରିଛନ୍ତି ଫରେନସିକ ଟିମ ।
ଏହାସହ ଅନୁସନ୍ଧାନର ଏକ ଅଂଶ ଭାବରେ ସିବିଆଇ ଅଧିକାରୀ ମହିଳା ଡାକ୍ତରଙ୍କ ପିତାମାତାଙ୍କ ସହ କଥା ହୋଇଥିଲେ। ସେ କହିଛନ୍ତି ଯେ ତାଙ୍କୁ ହସ୍ପିଟାଲରୁ ଏକ ଫୋନ ଆସିଥିଲା ଯେଉଁଥିôରେ ତାଙ୍କୁ ଝିଅର ମୃତ୍ୟୁ ବିଷୟରେ କୁହାଯାଇଥିଲା । ଏହାପରେ ଅଧିକାରୀ ମାନେ ଝିଅର ସାଙ୍ଗ ମାନଙ୍କ ବିଷୟରେ ପଚାର ଉଚରା କରିଥିଲେ । ଯେଉଁଥିରେ ଏକ ଆଶ୍ଚର୍ଯ୍ୟକର କଥା ସାମ୍ନାକୁ ଆସିଥିଲା । ତେବେ କିଛି ଦିନ ପୂର୍ବରୁ ମୃତ ଟ୍ରେନି ଡାକ୍ତର ମେଡିକାଲର ଜଣେ ସ୍ନାତକୋତ୍ତର ପ୍ରଶିକ୍ଷକ ଡାକ୍ତରଙ୍କ ନାଁରେ ଅଭିଯୋଗ କରିଥିଲେ । କିନ୍ତୁ ଏଥିରେ କୌଣସି କାର୍ଯ୍ୟାନୁଷ୍ଠାନ ନିଆଯାଇନାହିଁ । ଯାହା ସମୃକ୍ତ ଘଟଣାକୁ ବର୍ତ୍ତମାନ ଅଧିକ ସନ୍ଦିଗ୍ଧ କରିଦେଇଛି ।
ଅନୁସନ୍ଧାନକାରୀ ମାନେ ‘କଲ୍ ଡିଟେଲ୍ସ ରେକର୍ଡ’ ଏବଂ ସ୍ବେଚ୍ଛାସେବୀ ସଞ୍ଜୟ ରୟଙ୍କ ମୋବାଇଲ୍ ଟାୱାର ଅବସ୍ଥାନ ଏବଂ ଅନ୍ୟାନ୍ୟ ସୂଚନା ମାଗିଛନ୍ତି। ଅଧିକାରୀ କହିଛନ୍ତି, “ଆମେ ତାଙ୍କ ମୋବାଇଲ୍ ଫୋନ୍ ଦ୍ୱାରା ବ୍ୟବହୃତ ତଥ୍ୟକୁ ମଧ୍ୟ ପରୀକ୍ଷା କରୁଛୁ କି ସେ କୌଣସି ଭିଡିଓ କିମ୍ବା ଇଣ୍ଟରନେଟ୍ ଭଏସ୍ କଲ୍ କରିଛନ୍ତି କି ନାହିଁ। ସିବିଆଇ ଟିମ୍ ମଧ୍ୟ ଦିନରେ ଡାକ୍ତରଖାନା ପରିଦର୍ଶନ କରି ସେଠାରେ ଉପସ୍ଥିତ ଥିବା ଇଣ୍ଟରନେଟ୍ ଡାକ୍ତର, ନର୍ସ ଏବଂ ଅନ୍ୟମାନଙ୍କ ସହ କଥା ହୋଇଥିଲେ। ହାଇକୋର୍ଟଙ୍କ ନିର୍ଦ୍ଦେଶରେ କୋଲକାତା ପୋଲିସର ଏହି ମାମଲାର ତଦନ୍ତ ସିବିଆଇ ଗ୍ରହଣ କରିଛି।
ଅନ୍ୟପଟେ ମହିଳା ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାକୁ ନେଇ ସାରା ଦେଶରେ ଆକ୍ରୋଶ ଦେଖିବାକୁ ମିଳିଛି । ନ୍ୟାୟ ଦାବିରେ ଆରଜି କର ମେଡିକାଲ ପରିସରରେ ନର୍ସିଂ ଷ୍ଟାଫ ବିକ୍ଷୋଭ ପ୍ରଦର୍ଶନ କରିଛନ୍ତି । ଡାକ୍ତରୀ ଛାତ୍ରଛାତ୍ରୀମାନେ ମଧ୍ୟ ବିରୋଧ ପ୍ରଦର୍ଶନ କରି ଅଭିଯୁକ୍ତଙ୍କ ବିରୋଧରେ ଦୃଷ୍ଟାନ୍ତମୂଳକ ଦଣ୍ଡ ଦେବାକୁ ଦାବି କରିଛନ୍ତି । ଆରଜି କର ମେଡିକାଲ କଲେଜର ପ୍ରିନ୍ସିପାଲଙ୍କ କାର୍ୟ୍ୟାଳୟକୁ ଘେରାଉ କରିଛନ୍ତି ଡାକ୍ତରୀ ଛାତ୍ରଛାତ୍ରୀ । ଅଭିଯୁକ୍ତଙ୍କୁ କଠୋରରୁ କଠୋର ଦଣ୍ଡ ଦେବା ସହ ସ୍ୱାସ୍ଥ୍ୟ ସେବାରେ ଥିବା କର୍ମଚାରୀଙ୍କୁ ସୁରକ୍ଷା ସୁନିଶ୍ଚିତ କରିବାକୁ ଦାବି କରିଛନ୍ତି ।
