ପ୍ରେମିକ ସହ ପଳାଇଥିଲା ବୋହୁ, ଧରି ଆଣି ଲଣ୍ଡା କରିଦେଲେ ଶାଶୁଘର ଲୋକେ…
1 min read
ଶିମଲା:ବଢୁଛି ନୃଶସଂତା ଆଉ ହଜିଯାଉଛି ମାନବିକତା । ଯାହାକୁ ଘରର ଇଜ୍ଜତ କୁହାଯାଉଛି ସେମାନଙ୍କ ଇଜ୍ଜତକୁ ପୁଣି ବିକ୍ରି କରାଯାଉଛି । ଅଧିକାଂଶ ସମୟରେ ମହିଳା ମାନେ ଅତ୍ୟାଚାରିତ ହେଉଥିବା ଖବର ଆମ ନଜରକୁ ଆସୁଥିବା ବେଳେ ସେହିଭଳି ହିମାଚଳ ପ୍ରଦେଶରୁ ବିଚଳିତ କରିଦେବା ଭଳି ଏକ ଖବର ସାମ୍ନାକୁ ଆସିଛି । ହଁ ଆଜ୍ଞା ସୋସିଆଲ ମିଡିଆରେ ଘୂରି ବୁଲୁଥିବା ଏକ ଭିଡିଓରେ ଦେଖିବାକୁ ମିଳିଛି ଯେ ଜଣେ ମହିଳାଙ୍କର କେଶ କାଟି, କାଳି ବୋଳି ଥିଲେ । ଆଉ ମହିଳାଙ୍କ ପ୍ରତି ଏଭଳି ଘୁର୍ଣ୍ଣ କାମ ଆଉ କେହି ନୁହେଁ ବରଂ ଏଭଳି କାମ କରିଛନ୍ତି ମହିଲାଙ୍କ ଶ୍ୱଶୁର ଘର ଲୋକେ । ତେବେ କେଉଁ କାରଣକୁ ନେଇ ପିଡିତା ମହିଳାଙ୍କ ସହ କରାଯାଇଛି ତାହା ଏଯାବତ୍ ଅସ୍ପଷ୍ଟ ରହିଛି । ଭାଇରାଲ ଭିଡିଓ ଦେଖା ଯାଇଥିଲା ଯେ ଯେତେବେଳେ ମହିଳାଙ୍କ ପ୍ରତି ଏପରି ର୍ଦୁବ୍ୟବହାର ବ୍ୟବହାର ହେଉଥିଲା ତାହାକୁ କେହିବି ବିରୋଧ କରୁନଥିଲେ । କେବଳ ଲୋକମାନେ ଦେଖଣା ହାରୀ ସାଜିଥିଲେ । କିନ୍ତୁ କିଛି ଦିନ ପରେ ପିଡିତା ମହିଳା ଜଣକ ଏନେଇ ପୁଲିସରେ ଅଭିଯୋଗ କରିବା ପରେ ପୋଲିସ ମହିଳାଙ୍କ ଶାଶୁଙ୍କ ସମେତ ୫ଜଣଙ୍କୁ ଗିରଫ କରିଛି ।
ସୂଚନା ମୁତାବକ ହିମାଚଳ ପ୍ରଦେଶ ହମିରପୁରର ଏହି ପିଡିତା ମହିଳା ଜଣକ ଘରେ କାହାକୁ କିଛି ନ କହି ତିନି ଚାରି ମାସ ପର୍ଯ୍ୟନ୍ତ କେଉଁଆଡେ ଫେରାର ହୋଇଯାଇଥିଲେ । ହେଲେ ସେ ଯେତେବେଳେ ଘରକୁ ଫେରିଥିଲେ ଶ୍ୱଶୁର ଘର ଲୋକେ ମହିଳାଙ୍କୁ ଦେଖି ନିଜର ରାଗ ନିୟନ୍ତ୍ରଣ କରି ପାରିନଥିଲେ । ରାଗରେ ମୁଣ୍ଡକୁ ଏମିତି ପିତ୍ତ ଚଢିଯାଇଥିଲା ଯେ ଶେଷରେ ନିଜ ବୋହୂର ଏପରି କିଛି ଅବସ୍ଥା କରିଥିିଲେ । ଏହି ଘଟଣାଟି ଅଗଷ୍ଟ ୩୧ ତାରିଖ ସଂନ୍ଧ୍ୟା ସମୟରେ ଘଟିଥିଲା ବୋଲି ପଡିତା ତାଙ୍କ ଏତଲାରେ ଦର୍ଶାଇଛନ୍ତି । ପରେ ହମିର ପୋଲିସ ଏକ ମାମଲା ରୁଜ୍ଜୁ କରି ଏହି ଘଟଣାରେ ୬ଜଣକୁ ଗିରଫ କରି ତଦନ୍ତ ଚଳାଇଛି । ଅପରପକ୍ଷେ ମୁଖ୍ୟ ଶାସନ ସଚିବ ପ୍ରବୋଧ ସକ୍ସେନା ଏହି ଘଟଣାର ତୀବ୍ର ବିରୋଧ କରି ଅଭିଯୁକ୍ତଙ୍କ ବିରୋଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଥିବା କଣାପଡିଛି ।
