ସାବିତ୍ରୀ ପୂଜା ସମୟରେ ଅଘଟଣ ; ଜଳିଗଲେ ମହିଳା …
1 min read
ବଲାଙ୍ଗୀର : ସତ୍ୟବାନ ଙ୍କ ପାଇଁ ବ୍ରତରଖି ପୂଜା କଲେ ସାବିତ୍ରୀ ପୂଜା ସମୟରେ ଘଟିଲା ଅଘଟଣ । ଶାଢ଼ୀରେ ନିଆ ଲାଗି ଜଳିଗଲେ ସାବିତ୍ରୀ । ଗୁରୁତର ଅବସ୍ଥାରେ ବଲାଙ୍ଗୀର ଭୀମଭୋଇ ମେଡିକାଲରେ ଭର୍ତ୍ତି ।
ମହିଳା ମାନଙ୍କ ସହ ମିଶି ଆରମ୍ଭ କଲେ ସାବିତ୍ରୀ ବ୍ରତପୂଜା। ଧୂପଦୀପ ଦେଇ ବେଶ ଖୁସିରେ ସ୍ୱାମୀ ଙ୍କ ଦୀର୍ଘାୟୁ ପାଇଁ କରୁଥିଲେ ପୂଜା । ହେଲେ ପୂଜା ସମୟରେ ଘଟିଗଲା ଅଘଟଣ। ମହିଳା ଙ୍କ ଶାଢ଼ୀକାନି ପଡିଗଲା ଦୀପ ଉପରେ ଆଖିପିଛୁଳାକେ ସମଗ୍ର ଦେହକୁ ବ୍ୟାପିଯାଇଥିଲା ନିଆଁ। ପାଖରେ ଥିବା ମହିଳା ମାନେ ନିଆଁଲିଭେଇବାକୁ ଚେଷ୍ଟା କରିଥିଲେ ହେଲେ ସମ୍ଭବ ହେଇନଥିଲା ଶ୍ଵଶୁର ଧାଇ ଯାଇ କଳେବଳେ ନିଆଁକୁ ଲିଭାଇବାକୁ ଚେଷ୍ଟା କଲା ବେଳେ ଶ୍ଵଶୁର ଙ୍କର ହାତ ପୋଡ଼ି ଯାଇଥିଲା ।ସେ ଯାହା ହେଉ ଅଳ୍ପକେ ବର୍ତ୍ତିଗଲା ଜୀବନ।
ଏଭଳି ଘଟଣା ଘଟିଛି ବଲାଙ୍ଗୀର ଜିଲ୍ଲା ଦେଓଗାଁ ବ୍ଲକ ଖଇରମାଲ ଗାଁରେ। ଏହିଗାଁ ର ବୁଲି ବାରିକଙ୍କ ଦେହରେ ନିଆଁ ଲାଗି ଗୁରୁତର ହୋଇଛନ୍ତି ।ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ବଲାଙ୍ଗୀର ଭୀମଭୋଇ ମେଡ଼ିକାଲ ରେ ଭର୍ତି କରାଯାଇଛି । ସେପଟେ ମହିଳାଙ୍କୁ ଚିକିତ୍ସା ବର୍ଣ୍ଣ ୟୁନିଟ ରଖାଯାଇ ଚିକିତ୍ସା କରାଯାଇଥିବା ଜଣାପଡିଛି ।
