ଖାଦ୍ୟ ନଷ୍ଟ ନକରି ଅନ୍ୟ ପେଟକୁ ଦାନା ଯୋଗାଇବା ପାଇଁ ଆଜିର ଦିନରେ କରାଯାଉଛି ସଚେତନ..
1 min read
ପ୍ରତିବର୍ଷ ବିଶ୍ୱବ୍ୟପୀ ପାଳନ ହୋଇଥାଏ ବିଶ୍ୱ ଖାଦ୍ୟ ଦିବସ। ଏଥିପାଇଁ ଆଜି ଅର୍ଥାତ ଅକ୍ଟୋବର ୧୬ ସାରା ବିଶ୍ୱ ପାଳି ଆସୁଛି ଖାଦ୍ୟ ପାଇଁ ଦିନଟିଏ। ୧୯୮୧ ମସିହାରେ ପ୍ରଥମ ଥର ପାଇଁ ବିଶ୍ୱ ଖାଦ୍ୟ ଦିବସ ପାଳନ କରାଯାଇଥିଲା। ଅନାହାରରେ ରହୁଥିବା ଲୋକଙ୍କୁ ସାହାଯ୍ୟ କରିବା ଏବଂ ଖାଦ୍ୟର ମହତ୍ୱ ବାବଦରେ ଜନ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ପ୍ରତିବର୍ଷ ବିଶ୍ୱ ଖାଦ୍ୟ ଦିବସ ପାଳନ କରାଯାଏ। ଖାଦ୍ୟ ଦିବସ ଅବସରରେ ଲୋକଙ୍କୁ ଖାଦ୍ୟ ନିରାପତ୍ତା ଏବଂ ପୁଷ୍ଟିକର ଖାଦ୍ୟର ଆବଶ୍ୟକତା ବିଷୟରେ ସଚେତନ କରାଯାଏ। ଯେକୌଣସି ଶରୀରକୁ ସୁସ୍ଥ ରଖିବା ପାଇଁ ପୁଷ୍ଟିକର ଖାଦ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସ୍ୱାଦ ସହିତ ସ୍ୱାସ୍ଥ୍ୟର ଯତ୍ନ ନେବାକୁ ହେଲେ ଖାଦ୍ୟରେ ପୁଷ୍ଟିକର ଖାଦ୍ୟକୁ ସାମିଲ୍ କରିବା ଜରୁରୀ। ଦୁନିଆର ଅନେକ ଦେଶ ବର୍ତ୍ତମାନ ଦାରିଦ୍ର ସୀମାରେଖା ତଳେ ଅଛନ୍ତି। ଏହି ଦେଶଗୁଡିକର ଲୋକମାନେ ସନ୍ତୁଳିତ ଖାଦ୍ୟ ଗ୍ରହଣ କରିପାରୁ ନାହାଁନ୍ତି। ଏହି କାରଣରୁ ଅଧିକାଂଶ ଜନସଂଖ୍ୟା ପୁଷ୍ଟିହୀନ ହୋଇପଡୁଛନ୍ତି। ସନ୍ତୁଳିତ ଏବଂ ପୁଷ୍ଟିକର ଖାଦ୍ୟର ଅଭାବ ହେତୁ ଲୋକ ମାନେ ଅନେକ ରୋଗରେ ପୀଡିତ ହେଉଛନ୍ତି। ପ୍ରାୟ ୧୫୦ ଟି ଦେଶରେ ପ୍ରତିବର୍ଷ ବିଶ୍ୱ ଖାଦ୍ୟ ଦିବସ ପାଳନ କରାଯାଏ । ଇଭେଣ୍ଟ, ସେମିନାର, କର୍ମଶାଳା, କ୍ଷୁଧା ପଦଯାତ୍ରା ଏବଂ ଖାଦ୍ୟ ମାରାଥନ୍ ଭଳି ବିଭିନ୍ନ କାର୍ଯ୍ୟକ୍ରମ ସର୍ବଭାରତୀୟ ସ୍ତରରେ ଲୋକଙ୍କୁ ପୁଷ୍ଟିକର ଖାଦ୍ୟର ମହତ୍ତ୍ ବିଷୟରେ ଶିକ୍ଷା ଦେବା ପାଇଁ ସର୍ବଭାରତୀୟ ସ୍ତରରେ ଆୟୋଜିତ ହୋଇଥାଏ । ବିଶ୍ୱ ଖାଦ୍ୟ ଦିବସ 2023 ର ବିଷୟବସ୍ତୁ ହେଉଛି “ଜଳ ହେଉଛି ଜୀବନ, ଜଳ ହେଉଛି ଖାଦ୍ୟ। କାହାକୁ ଛାଡନ୍ତୁ ନାହିଁ । ”
ପୁଷ୍ଟିହୀନତାର ସମସ୍ୟା ଦୂର କରିବା ଏବଂ ଲୋକଙ୍କୁ ଏକ ସନ୍ତୁଳିତ ଏବଂ ପୁଷ୍ଟିକର ଖାଦ୍ୟ ବିଷୟରେ ଅବଗତ କରାଇବା ଲକ୍ଷ୍ୟରେ ଏହି ଦିନ ପାଳନ କରାଯାଏ । ୧୯୭୯ ମସିହାରେ, ‘ଖାଦ୍ୟ ଏବଂ କୃଷି ସଂଗଠନ’ ବିଶ୍ୱ ଖାଦ୍ୟ ଦିବସ ପାଳନ କରିବାକୁ ଘୋଷଣା କରିଥିଲା । ସମଗ୍ର ବିଶ୍ୱରେ ଅନାହାର ଏବଂ ପୁଷ୍ଟିହୀନତାର ଶିକାର ହୋଇଥିବା ଲୋକଙ୍କ ପାଇଁ ଉଦବେଗ ପ୍ରକାଶ କରିଥିଲା FAO । ଏହା ପରେ ୧୯୮୧ ମସିହାରୁ ‘ଖାଦ୍ୟ ଏବଂ କୃଷି ସଂଗଠନ’ର ପ୍ରତିଷ୍ଠା ଦିନରେ ଖାଦ୍ୟ ଦିବସ ପାଳନ ଆରମ୍ଭ ହୋଇଥିଲା । ଏହି କାର୍ଯ୍ୟକ୍ରମ ମାଧ୍ୟମରେ ବର୍ତ୍ତମାନ ଲୋକେ ମଧ୍ୟ ସଚେତନ ହେଉଛନ୍ତି । ଭୋଜିଭାତରେ ବଳକା ଖାଦ୍ୟକୁ ନ ଫୋପାଡି ଗରିବ ଶ୍ରେଣୀର ଲୋକ କିମ୍ବା ବିଭିନ୍ନ ସ୍ୱେଚ୍ଛାଚାରୀ ସଂଗଠନକୁ ବାଣ୍ଟି ଦେଉଛନ୍ତି । ଯାହା ଫଳରେ ଖାଦ୍ୟର ସଠିକ୍ ବିନିଯୋଗ ହୋଇପାରୁଛି । ଖାଦ୍ୟ ନଷ୍ଟ କରି ଅନାହାରର ପେଟ ଭରିଣେ ମନକୁ ଶାନ୍ତି ମିଳେ ।
