ରାଷ୍ଟ୍ରପତି ପ୍ରାର୍ଥୀ ଘୋଷଣା କଲା ଦଳ: ବର୍ତ୍ତମାନ ଦଳ ଛାଡିବେ ଏହି ବର୍ଷୀୟାନ ନେତା
1 min read
ନୂଆଦିଲ୍ଲୀ: ଆସନ୍ତା ରାଷ୍ଟ୍ରପତି ନିର୍ବାଚନ ପାଇଁ ପ୍ରାର୍ଥୀ ଘୋଷଣା କରିଛି ଟିଏମ୍ସି । ବିଜେପି ଛାଡି ଟିଏମସିରେ ଯୋଗ ଦେଇଥିବା ଯଶୱନ୍ତ ସିହ୍ନାଙ୍କୁ ଦଳ ପକ୍ଷରୁ ପ୍ରାର୍ଥୀ ଘୋଷଣା କରାଯାଇଛି । ମିଳିତ ବିରୋଧୀ ମଞ୍ଚ ପକ୍ଷରୁ ପୂର୍ବତନ କେନ୍ଦ୍ର ମନ୍ତ୍ରୀ ଯଶୱନ୍ତ ସିହ୍ନାଙ୍କୁ ପ୍ରାର୍ଥୀ ଘୋଷଣା କରାଯାଇଛି । ଏହି ଘୋଷଣା ପରେ ଦଳ ଛାଡିବା ନେଇ ନିଷ୍ପତ୍ତି ନେଇଛନ୍ତି ସିହ୍ନା ।
ରାଷ୍ଟ୍ରପତି ପ୍ରାର୍ଥୀ ଭାବରେ ନାମ ଘୋଷଣା ହେବା ପରେ ସିହ୍ନା କହିଛନ୍ତି, ଦଳୀୟ ରାଜନୀତିରୁ ଉପରକୁ ଉଠିବାକୁ ପଡିବ । ଟ୍ୱିଟ୍ କରି ଦଳ ଛାଡିବା ନେଇ ସେ ଘୋଷଣା କରିଛନ୍ତି । ରାଷ୍ଟ୍ରପତି ପଦ ପାଇଁ ନାମ ଘୋଷଣାକୁ ନେଇ ମମତା ବାନାର୍ଜୀଙ୍କୁ ଧନ୍ୟବାଦ ଜଣାଇଛନ୍ତି । ଏହା ସହିତ ଲେଖିଛନ୍ତି ଜାତୀୟ ସ୍ୱାର୍ଥ ଦୃଷ୍ଟିରୁ ମୁଁ ବର୍ତ୍ତମାନ ଦଳ ଛାଡିବାକୁ ଚାହୁଁଛି । ମୁଁ ଆଶା କରୁଛି ମମତା ବାନାର୍ଜୀଙ୍କୁ କୌଣସି ସମସ୍ୟା ହେବ ନାହିଁ । ବିଜେପିର ମୁକାବିଲା କରିବା ପାଇଁ ପୂର୍ବତନ ପଶ୍ଚିମବଙ୍ଗ ରାଜ୍ୟପାଳ ଗୋପାଳ କୃଷ୍ଣ ଗାନ୍ଧୀ, ଏନସିପି ମୁଖ୍ୟ ଶରଦ ପୱାର ଏବଂ ଫାରୁକ୍ ଅବଦୁଲ୍ଳାଙ୍କୁ ପ୍ରତିଦ୍ୱନ୍ଦିତା ପାଇଁ କୁହାଯାଇଥିବା ବେଳେ ଏହାକୁ ପ୍ରତ୍ୟାଖ୍ୟାନ କରିଥିଲେ ।
