ବାହାହେବେ ୟେ ରିସ୍ତା କୟା କେହଲାତା ହେ ଫେମ ‘କାର୍ତ୍ତିକ’ , ହେଲେ କିଏ ସାଜିବେ ତାଙ୍କ ଦୁଲ୍ହନ ?
1 min read
ଟିଭି ସିରିୟଲର ହ୍ୟାଣ୍ଡସମ୍ ହଂକ୍ ଆକ୍ଟର ମୋହସିନ୍ ଖାନ ୟେ ରିସ୍ତା କୟା କେହଲାତା ହେ ର କାର୍ତ୍ତିକ ଗୋଏଙ୍କା ଚରିତ୍ର ପାଇଁ ଘରେ ଘରେ ପରିଚତ । ମୋହାସିନଙ୍କ ଆକ୍ଟିଂ ଆଉ ଚାର୍ମିଙ୍ଗ୍ ପର୍ସନାଲିଟି ପାଇଁ ତାଙ୍କ ଫ୍ୟାନ୍ସ ଫଲୋଇଙ୍ଗ୍ ମଧ୍ୟ ଢେର ଅଧିକ । ତେବେ ନିକଟରେ ମୋହାସିନଙ୍କ ମୁହଁରୁ ନିଜ ବିବାହ କଥା ଶୁଣି ତାଙ୍କ ଫିମେଲ ଫ୍ୟାନ୍ସଙ୍କ ହୃଦୟ ଭାଙ୍ଗିଯାଇଛି । ଇ-ଟାଇମ୍ସର ଲାଟେଷ୍ଟ ଇଣ୍ଟରଭ୍ୟୁରେ ମୋହାସିନ୍ ଖାନ ନିଜ ରିଲେଶନସିପ୍ ବିଷୟରେ ଖୁଲାସା କରିଛନ୍ତି । ସେ ଏଯାଏଁ ସିଙ୍ଗଲ ଥିବା କହିଛନ୍ତି ଆଉ ଖୁବଶୀଘ୍ର ସେ ବାପା ମାଙ୍କ ପସନ୍ଦର ଝିଅକୁ ବିବାହ କରିବେ ବୋଲି ମଧ୍ୟ କହିଛନ୍ତି ।
ଅଭିନେତା ଆହୁରୀ କହିଛନ୍ତି ଯେ ମୋତେ ଆରେଞ୍ଜ ମ୍ୟାରେଜ କରିବାରେ କୌଣସି ଆପତ୍ତି ନାହିଁ । ୨୦୨୫ ସୁଦ୍ଧା ମୁଁ ବିବାହ କରିନେବି । ମୋତେ ଲାଗୁଛି ଯେ ମୋ ବିବାହ ବୟସ ଗଡିଯାଉଛି । ସେଥିପାଇଁ ମୁଁ ବିବାହ କରିବାକୁ ଚାହୁଁଛି । ତା ଛଡା ମୋତେ ଛୁଆ ମାନେ ଖୁବ୍ ପସନ୍ଦ । ମୋ ନିଜ ଛୁଆ ହେଲେ ମୁଁ ତାକୁ ବୋହୁତ ଭଲପାଇବା ଦେବି ।
ତେବେ ମୋହସିନଙ୍କ ରିଲେଶନସିପ୍ ବିଷୟରେ କହିବାକୁ ଗଲେ ତାଙ୍କ ନା ସହିତ ୟେ ରିସ୍ତା କୟା କେହଲାତା ହେ ଫେମ୍ ଶିବାଙ୍ଗି ଜୋଶିଙ୍କ ନାଁ ଜୋଡାଯାଇଥିଲା । ଦୁହିଁଙ୍କୁ ଅନେକ ସ୍ଥାନରେ ଏକତ୍ର ଦେଖିବାକୁ ମିଳୁଥିଲା । କିନ୍ତୁ ତାଙ୍କ ସର୍ମ୍ପକ ତିଷ୍ଟିପାରିନଥିଲା ।
