ଅଶାନ୍ତ ବାଲେଶ୍ୱର:ଦିନ ଦ୍ୱିପ୍ରହରରେ ଯୁବକଙ୍କୁ ହାଣି ହତ୍ୟା
1 min read
ଭୁବନେଶ୍ୱର: ପୁଣି ଅଶାନ୍ତ ବାଲେଶ୍ୱର ସହର । ସେ ରାତି ହେଉ ଅବା ଦିନ, ସ୍ପଷ୍ଟ ଦିବାଲୋକରେ ଫୁଟୁଛି ବୋମା ଓ ବୁଲୁଛି କଟୁରୀ । ପ୍ରାୟ ପ୍ରତ୍ୟେକ ଦିନ କିଛି ନା କିଛି ଦୁର୍ଦ୍ଦାନ୍ତ ଅପରାଧ ଘଟି ଚାଲିଛି ବାଲେଶ୍ଵର ସହରରେ ।
ସୂଚନା ଅନୁସାରେ ବାଲେଶ୍ୱର ଜିଲ୍ଲା ଚାନ୍ଦିପୁର ଥାନା ଚାନ୍ଦିପୁର ରୋଡ଼ରେ ଘଟିଛି ବୀଭତ୍ସ ହତ୍ୟା । ଏକାଧିକ ଦୁବୃତ୍ତ ସ୍ଥାନୀୟ ସୁନହଟ ଅଂଚଳର ସତ୍ୟ ଶିବ ଦାସ ନାମକ ବ୍ୟକ୍ତିଙ୍କୁ ଅତି ନିର୍ମମ ଭାବରେ ହତ୍ୟା କରିଛନ୍ତି । ବେକ, ହାତ, ପିଠିକୁ ହାଣି ଜୀବନରୁ ମାରିଦେଇଛନ୍ତି ଦୁର୍ବୃର୍ତ୍ତ ମାନେ । ସତ୍ୟଶିଵ ନିଜର ଚାନ୍ଦିପୁର ମାଛ ଫାର୍ମରୁ ଫେରୁଥିବା ବେଳେ ଦୁବୃତ ହତ୍ୟା କରି ରାସ୍ତା କଡ଼ରେ ଫିଙ୍ଗି ଦେଇଥିବା ବେଳେ ସ୍ଥାନୀୟ ଲୋକ ଖବର ପାଇ ପୋଲିସ କୁ ଖବର ଦେଇଥିଲେ ।
ପୋଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ଶବ ଜବତ କରିବା ସହିତ ବ୍ୟବଚ୍ଛେଦ ପାଇଁ ପଠାଇଛି । ସେପଟେ ଘଟଣା ସ୍ଥଳରେ ସାଇଣ୍ଟିଫିକ ଟିମ ପାହଁଚି ପ୍ରମାଣ ଏକଜୁଟ କରିଛି । ତେବେ ଏହି ହତ୍ୟା ପଛରେ ପୂର୍ବ ଶତ୍ରୁତା ଓ ବ୍ୟବସାୟିକ ମନ ମାଳିନ ଥିବା କୁହା ଯାଉଛି। ତେବେ ଗତ କିଛିଦିନ ହେବ ସହରରେ ଲଗାତାର ଲୁଟ , ଛିନତାଇ ଓ ମରାନନ୍ତକ ଆକ୍ରମଣ ପରେ ଏବେ ହତ୍ୟାକୁ ସହରର ଆଇନଶୃଙ୍ଖଳା ବିପର୍ୟ୍ୟସ୍ତ ହୋଇ ପଡିଥିବା ଅଭିଯୋଗ ହେଉଛି ।
