ମଦ ପିଇ ବିଚ୍ ରାସ୍ତାରେ ବୋତଲ ଭାଙ୍ଗିଲେ ଯୁବତୀ, ବୁଲିବୁଲି ଲୋକଙ୍କୁ କଲେ ଗାଳିଗୁଲଜ..
1 min read
ଭୁବନେଶ୍ୱର : ଏଥର ପୁଅ ନୁହେଁ ରାଜରାସ୍ତାରେ ଦେଖିବାକୁ ମିଳିଲା ଯୁବତୀଙ୍କ ହାଇଡ୍ରାମା । ଖୋଦ୍ ରାଜଧାନୀ ଭୁବନେଶ୍ୱରର ରାଜରାସ୍ତାରେ ଯୁବତୀ କଲେ ହଙ୍ଗାମା । ବିୟର ବୋତଲ ଧରି ରାଜରାସ୍ତାରେ ଚାଲିଲେ । ବିଚ୍ ରାସ୍ତାରେ ବିୟର ପିଇଲେ, ତା ପରେ ରାସ୍ତା ଉପରେ ବୋତଲ ଭାଙ୍ଗିଲେ । ନିଶାସକ୍ତ ଅବସ୍ଥାରେ ଯାହାକୁ ପାଇଲେ ତାକୁ ବୁଲି ବୁଲି ଗାଳିଗୁଲଜ ମଧ୍ୟ କଲେ । ଏତିକିରେ ଅଟକି ନଥିଲେ ଯୁବତୀ ଜଣକ, ନିଶାରେ ରାସ୍ତାରେ ଯାଉଥିବା ଗାଡି ମଟରକୁ ଅଟକାଇ ହଇରାଣ ମଧ୍ୟ କଲେ । ଜଣେ ଯୁବତୀ ମଦ ପିଇ ମାତାଲ ହୋଇ ରାଜରାସ୍ତା ଉପରେ ହଙ୍ଗାମା କରୁଥିବା ଘଟଣାଟି ହେଉଛି ପଟିଆ ଛକର ।
ପଟିଆ ବିଗବଜାର ଛକଠାରୁ କିଛି ଦୂରରେ ଥିବା ଏକ ବିଦେଶୀ ଠିପି ବନ୍ଦ ମଦ ଦୋକାନ ସମ୍ମୁଖରେ ଯୁବତୀ ଜଣକ ଏଭଳି ଉନ୍ମକ୍ତ କାଣ୍ଡ ଭିଆଇଛନ୍ତି । ପ୍ରାୟ ୩ ରୁ ୪ ଘଣ୍ଟା ଧରି ରାସ୍ତା ଉପରେ ଯୁବତୀ ଜଣକ ଏଭଳି ନାଟକ କରିଥିଲେ । ଏନେଇ ପୋଲିସକୁ ଖବର ମିଳିଥିବା ବେଳେ ବାରମ୍ବାର ସେଠାକୁ ପିସିଆର ଆସୁଥିଲା କିନ୍ତୁ ସାଙ୍ଗରେ ମହିଳା ପୋଲିସ ନଥିବାରୁ ଯୁବତୀଙ୍କୁ ଗିରଫ କରି ପାରି ନଥିଲା । ତେବେ ତଦନ୍ତର ଜଣା ପଡିଥିଲା ଯେ ସେ ଜଣେ ବିବାହିତା ମହିଳା ଏବଂ ତାଙ୍କର ଏକ ଝିଅ ଅଛି । ସେ ଭୁବନେଶ୍ୱରରେ ରହି ଏକ ବେସରକାରୀ କମ୍ପାନୀରେ କାମ କରୁଛନ୍ତି । ହେଲେ ସେ ମହିଳା ଜଣକ କିଏ ଏବଂ କାହିଁକି ରାସ୍ତା ଉପରେ ବିୟର ବୋତଲ ଧରି ହଙ୍ଗାମା କରୁଥିଲେ ସେ ନେଇ କିଛି ଜଣା ପଡିନି ।
