ଗଣେଶ ପୂଜା ପେଣ୍ଡାଲରେ ଅଘଟଣ : ବିଦ୍ୟୁତ ଆଘାତରେ ଯୁବକଙ୍କ ମୃତ୍ୟୁ ….
1 min read
ମୋହନା ; କିଏ ଜାଣେ କେଉଁ ଦିନ କେଉଁ ରାତି କେଉଁ ସମୟ ଜୀବନର ଶେଷ ସମୟ ହେବ । ମୃତ୍ୟୁ କେତେବେଳେ କାହାକୁ ଆସିବ ଆଉ ନିଜର ଲୋକଙ୍କୁ ଚମକାଇଦେବ ତାହା କାହାକୁ ବା ଜଣା ।
ଗଜପତି ଜିଲ୍ଲା ଗୁରାଣ୍ଡି ଥାନା ଅନ୍ତର୍ଗତ ତୋଟାଗୁମୁଡା ଗ୍ରାମରେ ସୋମବାର ରାତ୍ର ସମୟରେ ଘଟିଛି ଏବଳି ଅଘଟଣ। ଗଣେଶ ପୂଜା ପେଣ୍ଡାଲ ରେ ଲାଇଟ୍ ଓ ସାଉଣ୍ଡ ସଜାଡୁ ଥିବା ବେଳେ ବିଦ୍ୟୁତ ଆଘାତରେ ୨୮ ବର୍ଷୀୟ ଯୁବକଙ୍କ ମୃତ୍ୟ ଘଟିଛି । ମୃତ ଯୁବକଙ୍କ ନାମ ଜେ.ଖଗେଶ । ମୃତ ଯୁବକ ବିବାହିତ ଥିବା ବେଳେ ତାଙ୍କର ଦୁଇଟି ଛୋଟଛୋଟ ପୁଅ ଏବଂ ଝିଅ ରହିଥିବା ସୂଚନା ମିଳିଛି । ଗୁରୁତର ଖଗେଶଙ୍କୁ ଗ୍ରାମବାସୀ ଓ ତାଙ୍କ ପରିବାର ବର୍ଗ ପାରଳାଖେମୁଣ୍ଡି ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଚିକିତ୍ସା ନିମନ୍ତେ ଭର୍ତ୍ତି କରିଥିଲେ କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଖବର ପାଇ ଗୁରାଣ୍ଡି ପୋଲିସ ପହଞ୍ଚି ତଦନ୍ତ ଆରମ୍ଭ କରିବାସହ ଶବକୁ ପଞ୍ଚନାମା କରି ବ୍ୟବଚ୍ଛେଦ ନିମନ୍ତେ ପଠାଇ ଥିଲେ । ଏନେଇ ଗୁରାଣ୍ଡି ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରୀ ରଖିଛି। କିନ୍ତୁ ଅନ୍ୟପଟେ ପରିବାରରେ ଖେଳିଯାଇଛି ହଇଚଇ । କାନ୍ୱ ବୋବାଳିଳେ ୩ ଦିନ ହେବ ଫାଟୁଛି ଘର । ଗାଁରେ ଖେଳିଯାଇଛି ନିସବ୍ଧର ସ୍ୱର । ଗଣେଶ ପୂଜାର ଖୁସି ଏବେ ଶୋକସଭାରେ ପରିଣତ ହୋଇଛି ।
