ଡାଉନ ହେଲା ୟୁଟ୍ୟୁବ୍ , ସମସ୍ୟାରେ ପଡିଛନ୍ତି ୟୁଜର..

1 min read

2 months ago Dipalini Mohanty

ଡାଉନ ହେଲା ୟୁଟ୍ୟୁବ୍ ସମସ୍ୟାରେ ପଡିଛନ୍ତି ୟୁଜର।ସେମାନେ ୟୁଟ୍ୟୁବ୍ ବ୍ୟବହାର କରିବାକୁ ସକ୍ଷମ ହେଉ ନାହାନ୍ତି। ଏହି ସମସ୍ୟା ସେମାବାର ଅପରାହ୍ନ ସାଢ଼େ ଗୋଟାଏରୁ ଆରମ୍ଭ ହୋଇଛି। ୟୁଟ୍ୟୁବ୍ ବ୍ୟବହାର କରୁଥିବା ଅଧିକାଂଶ ଉପଭୋକ୍ତା ସମସ୍ୟାର ସମ୍ମୁଖୀନ ହେଉଛନ୍ତି | ଖବର ଅନୁଯାୟୀ, ୟୁଟ୍ୟୁବ୍ ଆପ୍ ଏବଂ ୱେବସାଇଟରେ ଭିଡିଓ ଦେଖିବାରେ ସମସ୍ୟା ଦେଖାଦେଇଛି। ଭିଡିଓ ୟୁଟ୍ୟୁବରେ ଅପଲୋଡ୍ ହେଉନାହିଁ। ୟୁଟ୍ୟୁବ୍ ସର୍ଭରର ଅଭିଯୋଗ ଆସିବାକୁ ଲାଗିଛି।

ଅପରାହ୍ନ ୩ଟା ୧୫ ସୁଦ୍ଧା ଏହି ସମସ୍ୟା ଆହୁରି ବୃଦ୍ଧି ପାଇଛି। ମିଡିଆ ରିପୋର୍ଟ ଅନୁଯାୟୀ, ୟୁଟ୍ୟୁବ ବ୍ୟବହାର କରୁଥିବା ୪୩ ପ୍ରତିଶତ ୟୁଜର ଏନେଇ ଅଭିଯୋଗ କରିଛନ୍ତି। ୩୩ ପ୍ରତିଶତ ୟୁଜର ଭିଡିଓ ଅପଲୋଡ୍ କରିବାରେ ଅସୁବିଧାର ସମ୍ମୁଖୀନ ହେଉଥିବା କହିଛନ୍ତି। ୨୩ ପ୍ରତିଶତ ୟୁଜର ୟୁଟ୍ୟୁବର ୱେବସାଇଟ୍ ବ୍ୟବହାର କରିବାକୁ ସକ୍ଷମ ହେଉ ନାହାନ୍ତି । ହଠାତ୍ ୟୁଟ୍ୟୁବ୍ କିପରି ଠପ୍ ହୋଇଛି। ଏହାର କାରଣ ଏପର୍ଯ୍ୟନ୍ତ ଜଣାପଡିନାହିଁ।