ଡେଲିଭରି ବଏ ସାଜି ସ୍ତ୍ରୀ ସହ ମିଶି ଖାଦ୍ୟ ଡେଲିଭେରି କଲେ ଜୋମାଟୋ CEO , ଭିଡିଓ ହେଲା ଭାଇରଲ ..
1 min read
ଡେଲିଭରି ବଏ ସାଜିଲେ ଜୋମାଟୋ ସିଇଓ ଦୀପିନ୍ଦର ଗୋୟଲ । ଡେଲିଭରୀ ବୟର ୟୁନିଫର୍ମ ପିନ୍ଧି ପତ୍ନୀ ଗ୍ରେସିଆ ମୁନୋଜଙ୍କ ସହ ମିଶି ଖାଦ୍ୟ ଡେଲିଭରି କଲେ ଦୀପିନ୍ଦର ଗୋୟଲ । ବାଇକରେ ବୁଲି ବୁଲି ସେ ଜମାଟୋର ଫୁଡ ଡେଲିଭର ବୟଙ୍କ ଡ୍ରେସ ପରିଧାନ କରିଥିବା ଭିଡିଓରେ ଦେଖିବାକୁ ମିଳିଛି ।
ଯାହା ସେ ତାଙ୍କ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । । ଏହି ଭିଡିଓରେ ସେ କହିଛନ୍ତି, ଗୁରୁଗ୍ରାମର ଏକ ମଲରେ ଫୁଡ୍ ଡେଲିଭରୀ କରୁଥିବାବେଳେ ତାଙ୍କୁ ସିଡ଼ି ବ୍ୟବହାର କରିବାକୁ କୁହାଯାଇଥିଲା। ସେମାନଙ୍କୁ ମଲ୍ ଭିତରକୁ ଅନୁମତି ଦିଆଯାଇ ନଥିଲା। ଭିଡିଓରେ ଦୀପନ୍ଦର ଜୋମାଟୋ ଡେଲିଭରି ବଏଙ୍କ ନାଲି ରଙ୍ଗର ୟୁନିଫର୍ମରେ ମଲର ପ୍ରବେଶ ଦ୍ୱାରକୁ ଯାଉଥିବାର ନଜର ଆସିଛନ୍ତି।ଭିଡିଓରେ ଦେଖାଯାଉଛି, ଦୀପିନ୍ଦର ଗୋୟଲ ସୁରକ୍ଷାକର୍ମୀଙ୍କ ସହ କଥାବାର୍ତ୍ତା କରୁଛନ୍ତି। ସୁରକ୍ଷାକର୍ମୀ ତାଙ୍କୁ ପାର୍ଶ୍ୱରେ ଥିବା ସିଡ଼ି ଆଡକୁ ଦେଖାନ୍ତି। ଦୀପିନ୍ଦର ଗୋୟଲ ତାଙ୍କୁ ପୁଣି ପଚାରିଛନ୍ତି ଯେ ଡେଲିଭରି କାର୍ଯ୍ୟନିର୍ବାହୀମାନଙ୍କ ପାଇଁ ଅଲଗା ଲିଫ୍ଟ ଅଛି କି? ଏହା ପରେ ସେ ସିଡ଼ି ଦ୍ୱାରା ତୃତୀୟ ମହଲା ରେଷ୍ଟୁରାଣ୍ଟରେ ପହଞ୍ଚିଲେ। ତୃତୀୟ ମହଲାରେ ପହଞ୍ଚିବା ପରେ ସେ ଆହୁରି ନିରାଶ ହେଲେ। ସେତେବେଳେ ସେ ଜାଣିବାକୁ ପାଇଲେ ଯେ ଡେଲିଭରୀ ବଏ ମଲ୍ ଭିତରକୁ ଯାଇ ପାରିବେ ନାହିଁ। ଅର୍ଡର ନେବାକୁ ହେଲେ ସିଡ଼ିରେ ଅପେକ୍ଷା କରିବାକୁ ପଡିବ।
ଭିଡିଓରେ ଦୀପିନ୍ଦର ଗୋୟଲ ଚଟାଣରେ ବସି ଅନ୍ୟ ଡେଲିଭରି ବଏମାନଙ୍କ ସହ କଥାବାର୍ତ୍ତା ହେଉଥିବା ନଜର ଆସିଛନ୍ତି। ସମସ୍ତେ ଖାଦ୍ୟ ଅର୍ଡର ନେବା ପାଇଁ ଅପେକ୍ଷା କରିଛନ୍ତି। ଭିଡିଓରେ ଦୀପିନ୍ଦର କହିଛନ୍ତି, ମୋର ଦ୍ୱିତୀୟ ଅର୍ଡର ସମୟରେ ମୁଁ ହୃଦୟଙ୍ଗମ କଲି ଯେ ସମସ୍ତ ଡେଲିଭରି ପାର୍ଟନରଙ୍କ ପାଇଁ କାର୍ଯ୍ୟ ସ୍ଥିତିକୁ ସୁଦୃଢ କରିବା ପାଇଁ ମଲ୍ ସହିତ ମିଳିତ ଭାବରେ କାମ କରିବା ଆବଶ୍ୟକ।
ଯେତେବେଳେ ଜଣେ ଡେଲିଭରୀ ବୟ ଖାଦ୍ୟ ଦେବାକୁ ଯାଏ, ସେ କେଉଁ କେଉଁ ସମସ୍ୟାର ସମ୍ମୁଖୀନ ହୁଏ ତାହାକୁ ଦେଖାଇବା ଉଦ୍ଦେଶ୍ୟରେ ଜୋମାଟୋ ସିଇଓ ନିଜେ ଡେଲିଭରି ବୟ ସାଜିଥିବା କୁହାଯାଉଛି । ସିଇଓ ଦୀପିନ୍ଦର ଗୋୟଲଙ୍କ ଏପରି ପଦକ୍ଷେପ ଜୋମାଟୋ ଡେଲିଭରି ବୟଙ୍କୁ ପ୍ରୋତ୍ସାହିତ କରିବ ନିଶ୍ଚିତ । ଗୋୟଲଙ୍କ ନେତୃତ୍ୱ ଶୈଳୀ ଏବଂ ଚାକିରି ତାଙ୍କର ପ୍ରତିବଦ୍ଧତାକୁ ପ୍ରଶଂସା କରାଯାଇଥିଲା ।ଜୋମାଟୋ ସିଇଓ ଦୀପିନ୍ଦର ଗୋୟଲଙ୍କ ଏପରି କାମକୁ ସୋସିଆଲ ମିଡିଆରେ ଅନେକ ୟୁଜର୍ସଙ୍କୁ ପସନ୍ଦ କରୁଥିବା ବେଳେ କିଛି ୟୁଜର୍ସ ମଧ୍ୟ ସମାଲୋଚନା କରୁଛନ୍ତି ।
