ଆନ୍ଦପୁର ବିଧାୟକଙ୍କୁ ଗୋଡେଇ ଗୋଡେଇ ଆକ୍ରମଣ କଲେ ମହୁମାଛି , ଶରୀରରେ ୨୦ ରୁ ୨୫ ସ୍ଥାନରେ ..
1 min read
କେନ୍ଦୁଝର : ଆଜି ମହୁ ମାଛି ଆକ୍ରମଣ ରେ ଆନନ୍ଦପୁର ବିଧାୟକ ଭାଗିରଥୀ ସେଠୀ ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ବିଧାୟକ ଆଜି ଏକାକି ମର୍ଣିଂ ଓ୍ବାକରେ ଯାଉଥିବା ସମୟରେ ଆନନ୍ଦପୁର ବ୍ଲକ୍ ଛକ ଠାରେ ହଠାତ୍ ମହୁମାଛି ଆକ୍ରମଣ ର ଶିକାର ହୋଇଛନ୍ତି ।
ଏହି ସମୟରେ ମହୁମାଛି ଙ୍କ କବଳରୁ ନିଜକୁ ରକ୍ଷା କରିବାକୁ ଯାଇ ବିଧାୟକ ନିକଟ କ୍ଲବ୍ କାର୍ଯ୍ୟଳୟ କୁ ଦୌଡି ପଳାଇଥିଲେ । ତଥାପି ମହୁ ମାଛି ବିଧାୟକଙ୍କୁ ଗୋଡାଇ ଗୋଡାଇ ଆକ୍ରମଣ କରିଥିଲେ । ଫଳରେ ତାଙ୍କ ଶରୀରର ବିଭିନ୍ନ ସ୍ଥାନରେ ପ୍ରାୟ ୨୦ରୁ ୨୫ ଟି କ୍ଷତ ସୃଷ୍ଟି ହୋଇଛି । ସ୍ଥାନିୟ ଲୋକ ଙ୍କ ସହାୟତାରେ ତାଙ୍କୁ ଆନନ୍ଦପୁର ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ବର୍ତ୍ତମାନ ବିଧାୟକ ସୁସ୍ଥ ଥିବା ଆନନ୍ଦପୁର ଉପଖଣ୍ଡ ଚିକିତ୍ସାଳୟର ସୁପରିଣ୍ଟେଣ୍ଡେଣ୍ଟ ଧନେଶ୍ୱର ସେଠୀ କହିଛନ୍ତି। ତେବେ ବିଧାୟକଙ୍କର ହାତ ମୁହଁ, ମୁଣ୍ଡ ଓ ହାତରେ ମହୁମାଛି ଆଘାତ କରିଥିବା ଜଣାପଡିଛି ।
ସେହିଭଳି ବିଧାୟକଙ୍କ ସହ ଅନ୍ୟ ପଥଚାରୀମାନେ ମଧ୍ୟ ମହୁମାଛି ଆକ୍ରମଣରେ ଆହତ ହୋଇଛନ୍ତି। ବ୍ଲକ୍ ଅଫିସ ନିକଟରେ ଏକ ଗଛରେ ମହୁଫେଣା ହୋଇଛି। କେହି ପଥର ମାରିବା ଦ୍ୱାରା ଏହି ମହୁମାଛି ଗୁଡ଼ିକ ଚାରିଆଡେ ବୁଲି ଲୋକମାନଙ୍କୁ ଆକ୍ରମଣ କରିଥିଲେ ବୋଲି ସନ୍ଦେହ କରାଯାଉଛି।
