କେନାଲ ପାଣିରେ ଭାସିଯାଇ ନାବାଳକ ମୃତ…
1 min read
ନୂଆପଡା ; ନୂଆପଡା ଜିଲ୍ଲା ଲୋୟର ଇନ୍ଦ୍ର ଡ୍ୟାମର ମୁଖ୍ୟ କେନାଲକୁ ଗାଧୋଇବାକୁ ଯାଇଥିବା ବେଳେ ପାଣିରେ ଭାସିଯାଇ ଜଣେ ନାବାଳକ ମୃତ । ମୃତ ନାବାଳକ ହେଲେ ଖଡ଼ିଆଳ ଥାନା ଅନ୍ତର୍ଗତ ଗୋଇମୁଣ୍ଡି ଗାଁର ଧବଳେଶ୍ୱର ବନଛୋରଙ୍କ ୧୪ ବର୍ଷର ପୁଅ ଟିଟୁ ବନଛୋର ବୋଲି ଜଣାପଡିଛି ।
ସକାଳ ସମୟରେ ଗୋଇମୁଣ୍ଡି ଗାଁର ଧବଳେଶ୍ୱର ବନଛୋରଙ୍କ ୧୪ ବର୍ଷୀୟ ପୁଅ ଟିଟୁ ବନଛୋର ସାଇକେଲଧରି ଲୋୟର ଇନ୍ଦ୍ର ଡ୍ୟାମ ମୁଖ୍ୟ କେନାଲକୁ ଗାଧୋଇବାକୁ ଯାଇଥିଲା । ଗାଧୋଇବା ସମୟରେ କେନାଲ ପାଣିରେ ଭାସିଯାଇଥିଲେ । ପରେ ଖବରପାଇ ମୃତକଙ୍କ ପରିବାରଲୋକେ ଓ ଖଡ଼ିଆଳ ଅଗ୍ନିଶମ ବିଭାଗ କର୍ମଚାରୀମାନେ ବହୁ ଖୋଜା ଖୋଜି କରିଥିଲେ।
Advertisement
ଦୀର୍ଘ ସମୟ ପରେ ଚନାବେଡା ବ୍ରିଜ ନିକଟସ୍ଥ କେନାଲ ପାଣିରୁ ନାବାଳକର ମୃତ ଦେହ ଉଦ୍ଧାର କରିବାରେ ସଫଳ ହୋଇଥିଲେ । ଖଡ଼ିଆଳ ପୋଲିସ ମୃତଦେହ ଜବତ କରିବା ସହ ଘଟଣାର ତଦନ୍ତ ଜାରିରଖିଥିବା ବେଳେ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି । ଖଡ଼ିଆଳ ପୋଲସ ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି ।
