ସନ୍ତୋଷ ନିଖୋଜ୍ ମାମଲା ; ନୂଆପାଟଣା ପତିତପାବନ ମନ୍ଦିର କୂଅରୁ ମିଳିଲା ମୃତ ଦେହ…..

ତିଗିରିଆ ; ତିଗିରିଆ ଥାନା ଜେମାଦେଇପୁର ପଞ୍ଚାୟତ ଗୌତମପୁର ଗ୍ରାମର ଦାଶରଥି ଚାନ୍ଦଙ୍କ ପୁଅ ସନ୍ତୋଷ ଚାନ୍ଦ ଗତ ଦୁଇଦିନ ଦିନ ତଳେ ନିଖୋଜ ଥିଲେ ବହୁତ ଖୋଜାଖୋଜି ପରେ ତାଙ୍କର କୌଣସି ପତ୍ତା ମିଳିନଥିଲା ହେଲେ ଆଜି ସକାଳୁ ନୂଆପାଟଣା ସ୍ଥିତ ପତିତପାବନ ମନ୍ଦିର ପଛ ପଟ କୂଅରୁ ସନ୍ତୋଷଙ୍କ ମୃତଦେହ ମିଳିଛି ।

ସୂଚନା ଅନୁସାରେ ଗତ ଦୁଇଦିନ ତଳେ ସେ ପତିତପାବନ ମନ୍ଦିରକୁ ଠାକୁରଙ୍କ ଦର୍ଶନ କରିବା ପାଇଁ ଯାଇଥିଲେ । ହେଲେ ଆଉ ଘରକୁ ଫେରି ନଥିଲେ।ତେବେ ପରିବାର ଲୋକେ ଚାରିଆଡ଼େ ଖୋଜାଖୋଜି କରିବା ପରେ ଆଜି ନିରାଶ ହୋଇଥିଲେ।

Advertisement

ଆଜି ସକାଳୁ ମନ୍ଦିର କୂଅରେ ମୃତ ଦେହ ଭାସୁଥିବା ଦେଖିବାକୁ ପାଇଥିଲେ ଲୋକେ ଓ ତାପରେ ପୋଲିସ ଖବର ଦେଇଥିଲେ ଖବର ପାଇ ଘଟଣା ତିଗିରିଆ ପୋଲିସ ଓ ଆଠଗଡ ଏସ୍ ଡି ପିଓ ରବିନ୍ଦ୍ର କୁମାର ମଲ୍ଲିକ ତିଗିରିଆ ଦମକଳବାହିନୀ ଘଟଣା ସ୍ଥଳରେ ପହଁଚି ମୃତ ଦେହ ଉଦ୍ଧାର କରିଥିଲେ। ତିଗିରିଆ ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି। ଏହା ହତ୍ୟା ନା ଆତ୍ମହତ୍ୟା ତାହା ତଦନ୍ତ ପରେ ଜଣାପଡ଼ିବ।