ପ୍ରସଂଶକଙ୍କୁ ଚମକାଇଲେ କାର୍ତ୍ତିକ ଆର୍ଯ୍ୟନ୍ , ସାମ୍ନାକୁ ଆସିଲା ତାଙ୍କ ନୂଆ ଫିଲ୍ମର ପ୍ରଥମ ଝଲକ
1 min read
ନୂଆଦିଲ୍ଳୀ : ନିଜ ଅପ୍କମିଙ୍ଗ ଫିଲ୍ମର ଲୁକ୍କୁ ନେଇ ସବୁବେଳେ ଚର୍ଚ୍ଚାରେ ଥାନ୍ତି ବଲିଉଡ୍ର ଏହି ସୁଇଟ୍ ଏବଂ କିଉଟ୍ ହିରୋ କାର୍ତ୍ତିକ ଆର୍ଯ୍ୟନ୍ । ନିଜର ଫିଲ୍ମ ସସ୍ପେନ୍ସକୁ ନେଇ ଫଟୋଗୁଡିକୁ ସେ ପ୍ରଥମେ ନିଜ ଇଷ୍ଟାରେ ସେୟାର କରିଥାନ୍ତି । ଭୁଲଭୁଲେୟା-୨ ର ସଫଳତା ପରେ ଏବେ ଫିଲ୍ମ ଫ୍ରେଡିରେ ଦର୍ଶକଙ୍କ ଦୃଷ୍ଟି ଆକର୍ଷଣ କରିବେ ଆର୍ଯ୍ୟନ୍ । ଫିଲ୍ମ ଫ୍ରେଡିର ପ୍ରଥମ ଲୁକ୍ ରିଲିଜ୍ ହେବା ପରେ କାର୍ତ୍ତିକ ନିଜ ପ୍ରସଂଶକମାନଙ୍କ ପାଇଁ ଏହାକୁ ପ୍ରଥମେ ଇଷ୍ଟାରେ ପୋଷ୍ଟ କରିଛନ୍ତି । ବର୍ତ୍ତମାନ ଏହି ପୋଷ୍ଟରଟି ସୋସିଆଲ ମିଡିଆରେ ଖୁବ୍ ଜୋରରେ ଭାଇରାଲ ହେବାରେ ଲାଗିଛି । ଏଥିରେ ଆର୍ଯ୍ୟନ୍ ଜଣେ ଡାକ୍ତର ରୂପରେ ନଜର ଆସୁଛନ୍ତି । ଯିଏକି ନିଜ ରକ୍ତଭିଜା ହାତରେ ମଣିଷର ମାଢିମିଶା ଦାନ୍ତକୁ ଧରିଛନ୍ତି । ତେବେ ଫିଲ୍ମର ଫାଷ୍ଟ ଲୁକ୍ରୁ ହିଁ ଜଣାପଡୁଛି ଫିଲ୍ମଟି କେତେ ସସ୍ପେନ୍ସ ଭରା ।
ସେହିଭଳି ଫଟୋଟିକୁ ସେୟାର କରି ଆର୍ଯ୍ୟନ୍ କ୍ୟାପସନ ରେ ଲେଖିଛନ୍ତି ଯେ ‘ ଡଃ ଫ୍ରେଡି ଗୀନବାଲା , ଖୁବ୍ ଶୀଘ୍ର ଆପଏଣ୍ଟମେଣ୍ଟ ଖୋଲିବ । ତେବେ ଫ୍ରେଡିରେ ଆର୍ଯ୍ୟନ୍ ଙ୍କ ସହ ଆଲିୟାଙ୍କୁ ମଧ୍ୟ ମୁଖ୍ୟ ଭୂମିକାରେ ଦେଖିବାକୁ ପାଇବେ ଦର୍ଶକ । ଫିଲ୍ମଟି ଖୁବ୍ଶୀଘ୍ର ଓଟିଟି ପ୍ଲାଟଫର୍ମ ଡିସନି ପ୍ଲସ୍ ହଟ୍ଷ୍ଟାରରେ ମୁକ୍ତିଲାଭ କରିବ ।
